Сайт тест ҳолатида ишламоқда!
19 Июн, 2025   |   23 Зулҳижжа, 1446

Тошкент шаҳри
Бомдод
03:04
Қуёш
04:50
Пешин
12:29
Аср
17:40
Шом
20:02
Хуфтон
21:41
Bismillah
19 Июн, 2025, 23 Зулҳижжа, 1446
Янгиликлар

“Хўжа Аҳмад Яссавий” номидаги Ислом институти очилади

27.01.2025   10255   1 min.
“Хўжа Аҳмад Яссавий” номидаги Ислом институти очилади

Бу ҳақда Қозоғистон мусулмонлари диний идораси раиси, Бош муфтий Наврузбай ҳожи Тағанули 2025 йилги вазифаларга доир маърузасида маълум қилди, дея хабар беради muftyat.kz.

“Имомларнинг билим ва малакасини ошириш – замон талабидир. Бу йўналишдаги иш доимий назоратда. Имомларга чуқур диний билим бериш мақсадида Остона шаҳрида Хусамуддин ас-Сиғоний номидаги Ислом институтини очдик ва унга хориждан тажрибали устозлар ҳамда олимларни таклиф қилдик.

     Бу йил Аллоҳнинг изни билан институтнинг биринчи битирувчиларига дипломлар топширамиз ва уларни масъулиятли диний лавозимларга тайинлаймиз. Ушбу хайрли ишлар давоми сифатида Аллоҳнинг иродаси билан бу йил Туркистон шаҳрида “Хўжа Аҳмад Яссавий” номидаги Ислом институтини очиш тараддудидамиз. Унинг асосий мақсади жанубий ҳудуддаги имомларнинг малакасини оширишдан иборат бўлади. Шунингдек, мазкур ўқув муассасаси ҳузурида “Ижоза” бериш маркази ҳам ташкил этилади. Бу жанубий ҳудуд имомларининг билим даражасини оширишга янги туртки беради», – деди Бош муфтий.

Ўзбекистон мусулмонлари идораси

Матбуот хизмати

Ўзбекистон янгиликлари
Бошқа мақолалар

Бу ерда қилинган ҳар бир дуо ижобат бўлади

18.06.2025   1692   1 min.
Бу ерда қилинган ҳар бир дуо ижобат бўлади

Бисмиллаҳир Роҳманир Роҳийм

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

У Ҳажарул асвад рукни билан Каъба эшиги оралиғи бўлиб, ўлчами икки метрдир.

Ибн Аббос розияллоҳу анҳумо: «Мултазам рукн билан эшик оралиғидадир», дедилар.

Мужоҳид: «Рукн билан эшик орасида мултазам бордир», дедилар.

Бу жой дуолар ижобат бўладиган ўриндир. Дуо мобайнида икки билак ва кафтни кўкракка ёпиштирмоқ суннатдир.

Абдуллоҳ ибн Амр розияллоҳу анҳудан ривоят килинади:

«Бу зот тавоф қилиб, намоз ўқиб, кейин рукнни ўпиб, сўнгра тош билан эшик олдида тик туриб, икки қўл, чаккаларини кўкракларига ёпиштириб: «Мен Расулуллоҳ соллаллоҳу алайҳи васалламнинг мана шундай қилиб турганларини кўрдим», дедилар.

Абу Зубайр: «Абдуллоҳ ибн Умар, Ибн Аббос, Абдуллоҳ ибн Зубайр розияллоҳу анҳулар мултазамда туришганини кўрдим», дедилар.

Ибн Аббос розияллоҳу анҳумо: «Бирор киши қора тош билан Каъба эшиги олдида туриб Аллоҳга дуо қилса, барча яхши кўрган нарсаларининг ҳожати чиққанини кўради», дедилар.

Мужоҳид: «Рукн билан эшик орасидаги жой Мултазам деб номланади. Одамлар ўша ерда Аллоҳдан бирор нарса сўрашса ёки бирор нарсадан паноҳ тилашса, Аллоҳ уни уларга беради», дедилар.

Макка, Каъба, Замзам тарихи, ҳаж ва умра маносиклари» китобидан