Ўтган ҳафта мобайнида Ўзбекистон мусулмонлари идораси қошидаги Фатво марказининг Колл-маркази орқали фуқаролардан йўлланган муҳим ва оммабоп саволлардан танлаб олиниб, уларга асосли ва батафсил жавоблар тайёрланиб, 9 таси Fatvo.uz телеграмм каналида эълон қилинди.
Шунингдек, каналга 5 та видео шаклидаги материаллар, Facebook ва Instagram саҳифаларига 3 та матнли, 2 та видео шаклидаги савол-жавоблар жойлаштирилди.
Маълумот учун, бугунги кунда Fatvo.uz телеграмм канали обуначилари сони қарийб 140 мингни ташкил этади.
Ўзбекистон мусулмонлари идораси
Матбуот хизмати
Устоз хаттахтага 1 рақамини ёзди ва ўқувчиларга қараб: “Бу сизнинг инсонийлигингиз”, деди. Сўнг 1 рақами ёнига 0 рақамини ёзиб: “Бу сизнинг бойлигингиз” деди. Яна бир 0 ёзар экан: “Бу сизларнинг мартабангиз”, деди.
Устоз шу зайл рақамни йириклаштириб бораркан, инсон ҳаётда эришиши мумкин бўлган ютуқларни санарди. Кейин эса... Бошланишдаги 1 рақамини ўчириб ташлади. Хаттахтада ҳеч бир қийматга эга бўлмаган ноллар қолди. Шунда устоз шогирдларига: “Агар сизда инсонийлик бўлмас экан, қолган ютуқларнинг бари ҳеч бир қийматга эга бўлмайди”, деди.
Қиссадан ҳисса шуки, ҳаётнинг ўзи бир дарсхона. Бирини кўриб фикр қил, бирини кўриб шукр қил, деган нақл бежиз айтилмаган. Аллоҳ бизга берган умрни Ўзи рози бўладиган, бошқаларга наф келтирадиган, дунё ва охиратда фойдали бўлган ишларга сарфлайлик.
Акбаршоҳ Расулов