Сайт тест ҳолатида ишламоқда!
10 Феврал, 2025   |   11 Шаъбон, 1446

Тошкент шаҳри
Бомдод
06:05
Қуёш
07:24
Пешин
12:42
Аср
16:08
Шом
17:54
Хуфтон
19:08
Bismillah
10 Феврал, 2025, 11 Шаъбон, 1446
Янгиликлар

Биродарлик ва динлараро мулоқот ҳамжиҳатликка хизмат қилади

4.02.2025   6663   1 min.
Биродарлик ва динлараро мулоқот ҳамжиҳатликка хизмат қилади

Бирлашган Миллатлар Ташкилоти Бош Ассамблеясининг 2020 йил 21 декабрдаги резолюциясига мувофиқ ҳар йили февраль ойининг биринчи ҳафтаси “Динлараро ҳамжиҳатлик ҳафталиги”, 4 февраль санаси “Халқаро инсоний биродарлик куни” деб эълон қилинган. 
 

Шу муносабат билан Ўзбекистон халқаро ислом академиясида 4-8 февраль кунлари илмий, маданий-маърифий ва спорт тадбирлари ҳафталиги ўтказиш режалаштирилган.

Айни пайтда ҳафталик доирасида “Инсоний биродарлик ва динлараро мулоқот – халқаро ҳамжиҳатлик омили” мавзусида халқаро илмий-амалий семинар бўлиб ўтди. Унда UNESCO халқаро ташкилоти, Ўзбекистон Республикаси UNESCO миллий комиссияси, Ўзбекистон Республикаси Дин ишлари бўйича қўмитаси ҳамда Ўзбекистон мусулмонлари идораси вакиллари, диншунос экспертлар, таниқли олимлар, юртимиз фаолият олиб бораётган конфессиялар вакиллари, шунингдек, Академия профессор-ўқитувчилари ва талабалари иштирок этди.

Тадбирда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков сўзга чиқиб, юртимизда халқаро ҳамжиҳатлик борасида кейинги йилларда олиб борилаётган хайрли ишлар, хусусан, умуминсоний қадриятларга таянган ҳолда ишлаб чиқилган, қайта таҳри қилинган ҳуқуқий-меъёрий меъёрий асослар ҳақида нутқ сўзлади.

Илмий-амалий семинар давом этмоқда.

Ўзбекистон мусулмонлари идораси 

Матбуот хизмати

Биродарлик ва динлараро мулоқот ҳамжиҳатликка хизмат қилади Биродарлик ва динлараро мулоқот ҳамжиҳатликка хизмат қилади Биродарлик ва динлараро мулоқот ҳамжиҳатликка хизмат қилади
Ўзбекистон янгиликлари
Бошқа мақолалар
Мақолалар

Алишер Навоий ва Расулуллоҳ васфи

9.02.2025   2025   1 min.
Алишер Навоий ва Расулуллоҳ васфи

Бугун буюк мутафаккир, шоир ва давлат арбоби Мир Алишер Навоий таваллуд топган кун. 

У зотнинг ижодидан бир шингил: 

 Қаро кўзум, келу, мардумлиғ эмди фан қилғил,
Кўзум қаросида мардум киби ватан қилғил.

 
Шарҳ: Ҳазрат қалблари маҳбубига мурожаат этиш учун, аввало, сўз, ибора ёхуд ташбеҳ излайдилар. Инсон танасининг энг зарур ва азиз бўлган аъзоси кўз неъмати экан, улуғ шоир севимли маҳбубнинг кўзларини тасаввур этадилар. Исломий манбаларни мукаммал билган Ҳазрат Навоий Расули акрам саллоллоҳу алайҳи васалламнинг кўзлари тим қора эканлигини таъкид этароқ, бевосита ийҳом санъати билан - ҳам севимли Пайғамбаримиз алайҳиссаломга хаёлан мурожаат этадилар, ҳам ул зоти бобаракотни ўзларининг кўзлари ўрнида тасаввур қилиб, улуғлайдилар.

Дарҳақиқат, “Расулуллоҳ алайҳиссаломнинг кўзлари қораси тим қора эди”.

Мардумак – кўзнинг гавҳари. Маълумки, кўз қабул қилган тасвирлар ана шу мардумакда, гавҳаракда акс этиб туради. Фан – касб, ҳунар маъносини англатади. Улуғ шоир Расулуллоҳ саллоллоҳу алайҳи васалламга илтижо билан: “Эй қаро кўзли Расулуллоҳ, кўзларимдек азизим, Сизни тушларимда кўрай, кўзларим мардуми ичида доимо сиймонгиз акс этиб турсин, менинг кўзларим мардуми бўлишингиз бир ҳунардек такрор-такрор бўлсин. Ватан – тарк этиб бўлмайдиган маскан, Кўзим мардумини фақатгина Сизнинг аксингиз эгалласин, ё Расулуллоҳ, бу ватанга бошқа ҳеч ким кирмасин”, демоқдалар.  

Филология фанлари доктори, профессор Дилором Салоҳий

Мақолалар