11 Август, 2026, 28 Сафар, 1448
11 Август, 2026, 28 Сафар, 1448
Ўтган ҳафта мобайнида Республикамиз отинойилари томонидан ижтимоий муҳитни янада соғломлаштириш юзасидан бир талай тадбирлар ўтказилди.
Жумладан, “Жаҳолатга қарши маърифат” мавзусида 606 та, тўй, маърака-маросимларни тартибли ўтказиш ва исрофгарчиликка йўл қўймаслик бўйича 651 та, бидъат-хурофотлар ва дабдабабозликка қарши 599 та, ажрим ёқасида турган оилаларни яраштириш, ажримларнинг олдини олиш бўйича 461 та оила билан суҳбатлашилди.
Шунингдек, мигрантлар билан Ватан муқаддаслиги, ёт ва бузғунчи ғоялар таъсирига тушиб қолмаслик борасида 383 та суҳбат ва тадбирлар ўтказилди. Кам таъминланган оилаларга турли ёрдамлар кўрсатилди.
Ўзбекистон мусулмонлари идораси
Матбуот хизмати
Ўзбекистон мусулмонлари идораси тасарруфидаги олий ва ўрта махсус диний таълим муассасаларига 2026-2027 ўқув йили учун кириш тест синовларининг 5-ҳудуд (Бухоро вилояти) бўйича имтиҳон жараёнлари Мир Араб олий мадрасаси биносида бўлиб ўтди.
Мазкур ҳудуд бўйича диний таълим муассасаларига ҳужжат топширган 657 нафар абитуриент тест синовларида иштирок этди.
Имтиҳонларнинг шаффофлиги, адолатлилиги ҳамда тартиб-интизомини таъминлаш мақсадида жараёнларга Дин ишлари бўйича қўмита ва Ўзбекистон мусулмонлари идораси масъул раҳбарлари, диний таълим муассасалари мутасаддилари, педагог-ўқитувчилар ҳамда ички ишлар ва тиббиёт ходимлари жалб этилди.
Тест синовлари бошланишидан олдин абитуриентларга имтиҳон топшириш тартиби ва баҳолаш мезонлари батафсил тушунтирилди. Барча жараёнлар белгиланган талаб ва қоидаларга мувофиқ, юқори даражада ташкил этилди.
Ташкилотчилар тест жараёнларининг шаффоф ва тартибли ўтишига яқиндан кўмаклашган Бухоро шаҳар ички ишлар органи, соғлиқни сақлаш бошқармаси тиббиёт ходимлари ҳамда диний таълим муассасалари вакилларига ўз миннатдорлигини билдирдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 