Шу йил 19 февраль, чоршанба куни эрталабдан Ўзбекистон мусулмонлари идорасининг киравериши юртимизнинг турли ҳудудларидан келган келган ҳар хил ёшдаги кишилар билан гавжум.

Бугун Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов фуқароларни қабул қилди. Уларнинг масжидлар ҳолати, Рамазонда масжидларга қори қўйилиши, ҳаж ва умра, моддий ёрдам масалаларида қилган мурожаатларини эшитди.

Фуқаролар томонидан билдирилган таклиф ва сўровлар атрофлича ўрганилиб, Диний идора ваколати доирасида тегишлилари бўйича масъулларга тез фурсатларда ҳал этиш юзасидан топшириқлар берилди.

Ўзбекистон мусулмонлари идораси

Матбуот хизмати