20 Июл, 2026, 6 Сафар, 1448
20 Июл, 2026, 6 Сафар, 1448
Бисмиллаҳир Роҳманир Роҳийм
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ أَبِي هُرَيْرَةَرَضِي اللهُ عَنْهُ و عَنِ النَّبِيِّ صلى الله عليه وسلم قَالَ: رُبَّ صَائِمٍ لَيْسَ لَهُ مِنْ صِيَامِهِ إِلَّا الْجُوعُ، وَرُبَّ قَائِمٍ لَيْسَ لَهُ مِنْ قِيَامِهِ إِلَّا السَّهَرُ. رَوَاهُ ابْنُ مَاجَهْ وَأَحْمَدُ وَالْحَاكِمُ.
Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: «Баъзи рўзадорлар борки, уларга рўзаси учун очликдан ўзга нарса бўлмас. Баъзи тунда бедор бўлган борки, уларга бедорлиги учун уйқусизликдан ўзга нарса бўлмас», дедилар.
Ибн Можа, Аҳмад ва Ҳоким ривоят қилганлар.
Шарҳ: Баъзи бир кишилар рўзани тутиб олиб, тилини тиймай, ёлғон гапирадилар, иғво, бўҳтон, ғийбат қиладилар, турли ёмон ишлардан ўзларини тиймайдилар. Бундай кишилар рўзанинг фойдасидан, савобидан маҳрум бўладилар. Уларга рўза тутишдан фақат оч қолганлиги қолади, холос.
Шунинг учун ким рўзадан тўла манфаат олмоқчи, савобига тўлиқ эришмоқчи бўлса, ўзини таом ва шаробдан ташқари беҳуда, бўлмағур гап-сўз ва амаллардан тиймоғи лозим.
Шунингдек, баъзи бир кишилар тунда таҳажжуд намоз ўқийдилар. Кейин эса ўша ишлари билан мақтаниб, риёкорлик қиладилар, ёлғон гапириб, нолойиқ ишларга қўл урадилар. Ана шундай одамлар ҳам тунда бедор бўриб қилинган ибодатларга бериладиган савоблардан бебаҳра қоладилар.
Шунинг учун ҳар бир ибодатни иложи борича риёкорликдан қочиб қилмоғимиз керак.
«Ҳадис ва ҳаёт» китоби асосида тайёрланди
Саудия Арабистонининг нуфузли оммавий ахборот воситаларида Ўзбекистонда ўтказилган I Халқаро ислом цивилизацияси форуми ва унда илгари сурилган ташаббусларга бағишланган таҳлилий мақолалар эълон қилинди, деб хабар бермоқда “Дунё” АА.
Хусусан, “Al-Watan” газетасида I Халқаро ислом цивилизацияси форуми шунчаки анъанавий илмий учрашув эмас, балки ислом маданиятининг тикланишига хизмат қилувчи кенг кўламли тарихий лойиҳа сифатида кенг ёритилган. Материалда Ўзбекистон ислом оламининг энг муҳим тарихий бешикларидан бири сифатида эътироф этилган.
“UNA” ахборот агентлиги Ўзбекистон етакчиси Шавкат Мирзиёев томонидан диний-маърифий йўналишда илгари сурилаётган ислоҳотларга алоҳида тўхталиб ўтган.
Хусусан, мамлакатда бой маънавий-маданий меросни қайта тиклаш ва ўрганиш давлат сиёсати даражасига кўтарилгани қайд этилган. Форум доирасида Самарқандда қабул қилинган декларация ва унинг асосида таклиф этилган янги илмий ташаббуслар ҳадисшунослик ва ислом ғояларини асраб-авайлашда муҳим аҳамият касб этиши таъкидланган.
Саудия ОАВда Ўзбекистондаги Ислом цивилизацияси маркази ҳақида ҳам кўплаб маълумотлар келтирилган. Ушбу марказ мамлакатнинг ислом маданияти, илм-фани ва маънавий меросини ўрганиш, сақлаш ҳамда кенг жамоатчиликка етказишга хизмат қилувчи замонавий илмий-маърифий муассаса экани қайд этилган.
Марказ экспозицияларида Ўзбекистон ҳудудида етишиб чиққан буюк алломаларнинг ҳаёти ва илмий мероси, нодир қўлёзмалар, қадимий Қуръон нусхалари, археологик топилмалар, тарихий ҳужжатлар, санъат асарлари ҳамда интерактив мультимедиа намойишлари ўрин олган.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 