12 Март, 2025, 12 Рамазон, 1446
12 Март, 2025, 12 Рамазон, 1446
Шу йил 3 март куни Рамазон ойи муносабати билан Наманган шаҳридаги "Роял" тантаналар мажмуасида ифторлик дастурхони ташкил қилинди.
Муҳтарам Президентимизнинг "Муборак Рамазон ойини муносиб тарзда ўтказиш тўғрисида"ги қарорига биноан бу йилги қутлуғ ой "Рамазон - саховат, бирдамлик ва бағрикенглик ойи" шиори остида ўтказилмоқда.
Наманган вилояти бош имом-хатиби Мусохон домла Аббасиддинов, Ижтимоий ҳимоя миллий агентлиги Наманган вилоят бошқармаси ҳамда Вақф хайрия жамоат фонди Наманган вилоят филиали раҳбарлари бошчилигида Наманган шаҳри, Янги Наманган ва Давлатобод туманларида истиқомат қилувчи ногирон, боқувчисини йўқотган, кам таъминланган, ижтимоий ҳимояга муҳтож фуқоролар ва бошқа конфессия вакилларига мурувват кўрсатилиб ифторлик дастурхони ёзилди.
Дуога қўл очган фуқароларимиз юртга тинчлик-омонлик сўрадилар, бундай ҳур, эмин-эркин замоннинг қадрига етиш, шукрона келтириш лозимлигини таъкидладилар.
Ўзбекистон мусулмонлари идораси
Наманган вилояти вакиллиги
Матбуот хизмати
Рамазон – иймон ва ихлос ойи, илм ва маърифат ойи. Шу муборак кунларда Ўзбекистон мусулмонлари идораси раиси ўринбосари, устоз Зайниддин домла Самарқанд шаҳридаги "Хўжа Исҳоқи Валий" жоме масжидида бўлдилар. Уларга вилоят бош имом-хатиби Аҳмадхон домла ҳамроҳлик қилдилар.
Таровеҳ намози олди устоз Зайниддин домла жамоатга "Мазҳаб – уммат бирлигининг асоси" мавзусида мавъиза қилиб, уламолар йўлидан оғишмаслик, мазҳабга эргашиш Ислом умматининг бирлиги ва барқарорлиги учун нақадар муҳим эканини таъкидладилар. Шунингдек, мазҳабсизлик кишини бидъат ва гумроҳликка бошлаши ҳақида огоҳлантириб, ҳақ йўлдан юришнинг аҳамиятини тушунтирдилар.
Манфаатли суҳбатдан сўнг жамоат билан биргаликда таровеҳ намози адо этилиб, хайрли дуолар қилинди.
Ўзбекистон мусулмонлари идораси
Самарқанд вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 