Шу кунларда Самарқанд вилояти Ургут туманидаги "Қози Облаёрбек" жоме масжидини янги қурилган таҳоратхонаси фойдаланишга топширилди.

Очилиш маросимида Ўзбекистон мусулмонлари идораси раиси ўринбосари Зайниддин домла Эшонқулов, масжид имом-хатиби Дилмурод домла Қўшақов бошчилигидаги ходимлар ва жамоат аҳли ҳамда маҳалла фаоллари иштирок этди.

Тадбирда Зайниддин домла масжид аҳлини замонавий таҳоратхона билан табриклаб, Ҳақ таолонинг байти ободлигига ҳисса қўшишнинг ажру мукофоти ҳақида сўзлаш баробарида саховатпеша инсонлар, усталар ва ҳашарларда фаол қатнашган кишилар ҳаққига хайрли дуолар қилди.

Ўзбекистон мусулмонлари идораси

Матбуот хизмати