2024 йилги ҳожилар иштирокида ўтказилаётган “Янги Ўзбекистоннинг фидойиси бўлиб, маънавият тарғиботчисига айланамиз” ташаббуси доирасидаги маънавий-маърифий тарғибот тадбирлари этмоқда.
Мавсум бошидан ҳозирга қадар ўтказилган 96 минг 590 та тадбир доирасида 590 382 нафар юртдошимиз қамраб олинди. Уларнинг оилавий шароитларидан келиб чиқиб, тинчлик қадри, шукроналик, ёшлар тарбияси, иллатларга барҳам бериш, илм-маърифатга тарғиб, ёт ғояларга қарши курашиш мавзуларида суҳбатлар ўтказилмоқда.
Эҳтиёжмандлар ҳолидан хабар олиниб, озиқ-овқат маҳсулотлари, моддий ёрдамлар берилмоқда.
Ўзбекистон мусулмонлари идораси
Матбуот хизмати
Шу йил 28 июль куни пойтахтимизнинг Сергели туманидаги «Нурул ислом» жоме масжидида сайёр йиғилиш ўтказилди.
Туманлар бош имом-хатиблари, имом-домлалар, уламолар, «Ҳаж 2025» ҳожилари, маҳалла фаоллари қатнашган тадбирни Тошкент шаҳар бош имом-хатиби Абдуқаҳҳор домла Юнусов олиб бордилар.
Йиғилишдан сўнг маҳаллаларга чиқилиб, ёши улуғ инсонлар, ўзгалар кўмагига муҳтож кишилар, эҳтиёжманд, кам таъминланган, боқувчисини йўқотган, ажирим ёқасида турган 120 дан ортиқ оилалар ҳолидан хабар олинди.
Ҳудуддаги таъмирталаб аҳволга келиб қолган бир уй Сергели тумани имомлари, ҳомийлар кўмагида қайта қуриб берилиши тадбирнинг аҳамияти нақадар улуғ эканини кўрсатади.
Тумандаги 350-умумий ўрта таълим мактаби учун ҳожатхона қуриб бериш масаласи ҳам ҳомийларни жалб қилган ҳолда ҳал этилди.
Пешин намозидан сўнг Абдуқаҳҳор домла Юнусов «Нурул ислом» масжиди қавмига «Ўзгаларга яхшилик қилиш» мавзусида мавъиза қилиб бердилар.
Тадбир кўтаринки руҳда бўлиб ўтди. Хайрли дуолар йиғилишга ўзгача файз бағишлади.
MuslimShosh.uz