Озор берса замоннинг ўткир нишлари,
Ягона Зотдан сўранг Унинг ёрдамин.

Муслима, солиҳа аёл эри билан яхши яшайдиган, Роббисидан сўнг эрига итоат этадиган бўлади. Расулуллоҳ соллаллоҳу алайҳи ва саллам мана шундай аёлни мадҳ этганлар ва уни эркак киши эришиши лозим бўлган намунавий аёл эканини билдирганлар. Энг яхши аёл ҳақида сўралганда бундай жавоб берганлар:

قال: التي تسره إذا نظر، وتطيعه إذا أمر، ولا تخالفه في نفسها ومالها بما يكره

“(Энг яхши аёл) эри қараса хурсанд қиладиган, буюрса итоат этадиган, ўз нафси ва молида эри ёмон кўрган нарса билан унга хилоф қилмайдиганидир” (Имом Насоий ривояти).

عن ابن عباس قال: لما نزلت الآية (والذين يكنزون الذهب والفضة) فانطلق عمر واتبعه ثوبان فأتى النبي صلى الله عليه وسلم فقال: يا رسول الله، إنه قد كبر على أصحابك هذه الآية. فقال النبي صلى الله عليه وسلم: ألا أخبرك بخير ما يكنزه المرء؟ التي إذا نظر إليها سرته وإذا أمرها أطاعته وإذا غاب عنها حفظته

Аллоҳ таолонинг:

﴿يَا أَيُّهَا الَّذِينَ آَمَنُوا إِنَّ كَثِيرًا مِنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ﴾

“Олтин ва кумушни хазинага босадиган, Аллоҳнинг йўлида сарфламайдиганларга аламли азобнинг башоратини беравер” (Тавба сураси, 34-оят) ояти нозил бўлганда Умар ва Савбон розияллоҳу анҳу Расулуллоҳ соллаллоҳу алайҳи васалламнинг ёнларига боришди. Умар розияллоҳу анҳу: "Ё Расулуллоҳ, бу оят саҳобаларингизга оғир келди", дедилар.

Шунда У зот соллаллоҳу алайҳи васаллам: “Эй Умар, киши энг яхши хазина қиладиган нарсанинг хабарини берайми? Унга қараса хурсанд қиладиган, буюрса итоат қиладиган ва эри ғоиб вақтида (моли ва обрўсини) ҳимоя қиладиган солиҳа аёл (кишининг энг яхши хазинасидир)” (Имом Абу Довуд ривояти).

Расулуллоҳ соллаллоҳу алайҳи васаллам аёлнинг жаннатга киришини эрининг розилигига боғлаб қўйдилар. У зот айтадилар:

قال رسول الله صلى الله عليه وسلم: أيما امرأة ماتت وزوجها عنها راض دخلت الجنة

“Қайси аёл эри ундан рози бўлган ҳолда вафот этса жаннатга киради” (Имом Термизий ривояти).

Сиз ана шу аёл бўлишга интилинг, шунда ҳақиқий бахтга эришасиз.

Шуъла: Охират диёрида энг аввалгилар қаторида сиз учун ажратилган ўрин бор. Фақатгина сиз амалларингизни кундан-кунга мукаммал қилиб боринг.

Доктор Оиз ал-Қарнийнинг
"Дунёдаги энг бахтли аёл" китобидан