15 Июл, 2025, 20 Муҳаррам, 1447
15 Июл, 2025, 20 Муҳаррам, 1447
Жакарта шаҳридаги Шариф Ҳидоятуллаҳ университети ҳамда Имом Бухорий халқаро илмий-тадқиқот маркази ҳамкорлигида нуфузли халқаро анжуман ташкил этилди.
Мазкур анжуманда Дин ишлари бўйича қўмита раиси ўринбосари Д.Махсудов, Ўзбекистон мусулмонлари идораси раиси ўринбосари Обиджон Қодиров иштирок этди.
Учрашувда Ўзбекистоннинг бой маънавий мероси алоҳида таъкидланди.
Ўзбекистон ва Индонезия ўзининг диний бағрикенглиги, илмий салоҳияти ва маданий хилма-хиллиги мисолларда кўрсатиб ўтилди.
Хусусан, Индонезия Дин ишлари вазирлиги вакили, доктор А.Салим:
"Ислом илми биргина жумла орқали чексиз маъноларни очиб бера олади. Бу унинг ҳаётийлиги ва доимо ривожланиб боришидаги кучидир," – дея таъкидлади.
Шунингдек, анжуманда Индонезия ва Марказий Осиё ўртасидаги тарихий ришталар, жумладан, Президент Сокарнонинг Имом Бухорий мақбарасини қайта кашф этишдаги роли, Валисонго орқали исломнинг тарқалиши каби мавзулар кенг ёритилди.
Ф.Абдухолиқов мамлакатимиз номидан ЖМЛнинг ислом оламидаги саъй-ҳаракати, халқаро миқёсдаги обрў-эътиборини эътироф этди. Бирлашган Миллатлар Ташкилоти қароргоҳида ўтказилган Халқаро исломофобияга қарши кураш кунига бағишланган биринчи халқаро тадбирда Бош котиб мусулмон халқлари вакили сифатида қилган маърузасини юқори баҳолади.
Муҳаррама Пирматова, ЎзА
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 