28 Август, 2026, 15 Рабиъул аввал, 1448
28 Август, 2026, 15 Рабиъул аввал, 1448
Қамаши туманида “Янги Ўзбекистон” массиви қурилишига расман старт берилди (https://t.me/qashmatbuot/9149?single). Мазкур лойиҳа туманнинг Оқгузар маҳалласи ҳудудида жойлашган 66 гектар майдонда амалга оширилаётган бўлиб, у келажакда аҳоли учун барча шарт-шароитларга эга замонавий тураржой ва ижтимоий инфратузилмани ўз ичига олган янги шаҳарчани ташкил этади.
Давлатимиз раҳбарининг Қашқадарё вилоятига ташрифи давомида Қамаши туманида аҳоли турмуш даражасини янада ошириш бўйича аниқ вазифа ва устувор йўналишлар белгилаб берилган эди. Мазкур массив қурилиши айнан шу вазифалар ижроси доирасида амалга оширилаётган кенг кўламли ишларнинг амалий ифодасидир.
Қурилишнинг биринчи босқичида 7 қаватли 32 та кўп қаватли уй барпо этилиши режалаштирилган бўлиб, жами 952 хонадон фойдаланишга топширилади. Ушбу уйлар барча зарур коммуникациялар — табиий газ, электр энергияси, ичимлик суви ва марказлашган канализация тизими билан таъминланади. Шунингдек, замонавий инфратузилма доирасида ҳар бир хонадонга оптик интернет ва видеокузатув тизимлари уланиши кўзда тутилган.
Тураржойлар билан бир қаторда массив ҳудудида мактаб, болалар боғчаси, клиника, маданият маркази, спорт мажмуаси, истироҳат боғи, автошоҳбекат, яшил ҳудудлар ҳамда тикувчилик фабрикаси қурилиши белгиланган. Бу эса фуқаролар учун нафақат қулай яшаш шароити, балки иш ўринлари, таълим, тиббий хизмат ва дам олиш имкониятларини ҳам яратади.
Лойиҳа очилиши муносабати билан ўтказилган тадбирда Қашқадарё вилояти ҳокими Муротжон Азимов, (https://t.me/kamashi24/38320) Қамаши тумани ҳокими, мутасадди ташкилот раҳбарлари, маҳалла фаоллари, қурувчилар ва нуронийлар иштирок этди. Тадбир давомида мазкур массив нафақат Қамаши тумани, балки бутун вилоят аҳолиси учун замонавий ва фаровон ҳаёт сари муҳим қадам экани таъкидланди.
Қашқадарё вилояти ҳокимлиги
Ахборот хизмати
27 август куни Ўзбекистон Республикаси мустақиллигининг 35 йиллиги муносабати билан диний-маърифий соҳада самарали меҳнат қилиб келаётган фидойи юртдошларимизни тақдирлашга бағишланган тантанали тадбир бўлиб ўтди.
Тадбирда Ўзбекистон Республикаси Президентининг диний-маърифий масалалар бўйича маслаҳатчиси Музаффар Комилов кириш сўзи билан иштирок этди.
Кириш нутқида мамлакатимизда мустақиллик йилларида, айниқса, сўнгги йилларда диний-маърифий соҳани ривожлантириш, жамиятда тинчлик-тотувлик, миллатлараро ҳамжиҳатлик ва диний бағрикенгликни мустаҳкамлаш борасида амалга оширилаётган ислоҳотлар, шунингдек, соҳада фаолият юритаётган уламолар, имом-хатиблар, мударрислар ва фидойи ходимларнинг муносиб ҳиссаси ҳақида алоҳида таъкидланди.
Тантанали тадбир давомида диний-маърифий соҳада кўп йиллардан буён самарали меҳнат қилиб, юртимизда маънавий барқарорликни таъминлаш, ёш авлодни миллий ва умуминсоний қадриятлар руҳида тарбиялаш, аҳоли ўртасида маърифий тушунтириш ишларини олиб боришга муносиб ҳисса қўшиб келаётган бир гуруҳ фидойи юртдошларга "Ўзбекистон Республикаси мустақиллигининг 35 йиллиги" эсдалик нишонлари тантанали равишда топширилди.
Эсдалик нишонларини топшириш маросимида Ўзбекистон Республикаси Президентининг диний-маърифий масалалар бўйича маслаҳатчиси Музаффар Комилов, Дин ишлари бўйича қўмита раиси Содиқ Тошбоев, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Ўзбекистондаги Ислом цивилизацияси маркази директори Фирдавс Абдуҳаликов, Ўзбекистон Республикаси Вазирлар Маҳкамаси масъул ходими Орифхон Зокировлар иштирок этдилар.
Тақдирлаш маросимида таъкидланганидек, мазкур эсдалик нишони мамлакатимиз тараққиётига, унинг тинчлиги ва барқарорлигига, жамиятда миллатлараро тотувлик ва диний бағрикенглик муҳитини мустаҳкамлашга, ёш авлодни миллий ва умуминсоний қадриятлар руҳида тарбиялашга муносиб ҳисса қўшаётган фидойи инсонларга билдирилган юксак эҳтиром ва эътироф рамзидир.
Тадбир якунида тақдирланганлар ўзларига билдирилган юксак ишонч ва эътибор учун миннатдорлик билдириб, мамлакатимиз тинчлиги ва равнақи йўлидаги эзгу фаолиятларини янада сидқидилдан давом эттиришларини таъкидладилар.
Барча мукофот соҳибларини самимий муборакбод этамиз!
Мустақиллигимизнинг 35 йиллиги муборак бўлсин!
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 