18 Сентябр, 2026, 7 Рабиъус сони, 1448
18 Сентябр, 2026, 7 Рабиъус сони, 1448
Ҳа демай янги ўқув йили ҳам бошланади. Шу кунларда кўплаб ота-оналар фарзандлари учун ўқув қуроллари, мактаб формалари олиб бериш тараддудида юришибди. Лекин болалари кам-кўстини ортиғи билан қилишга, уларга ўқув қуроллари, мактаб кийимлари олиб беришга ҳамманинг ҳам қурби етавермаслиги мумкин. Шукрки, охириатни ўйлайдиган, ёрдамга муҳтож оилаларга қайишадиган саховатли юртдошларимиз бор экан, кўплаб оилаларда вояга етаётган болалар янги ўқув йилини хурсанд ҳолда кутиб олишга мушарраф бўлишмоқда.
Жонажон Ватанимиз мустақиллигининг 34 йиллиги ва янги ўқув йили бошланиши муносабати билан «Вақф» хайрия жамоат фондининг Фарғона вилояти филиали ходимлари саховатли ҳомийлар билан биргаликда катта хайрия акциясини ташкил этишди. Ижтимоий ҳимояга муҳтож, кам таъминланган оилаларда ўсиб-улғаяётган 1 000 нафарга яқин болаларга мактаб сумкалари, ўқув қуроллари ва мактаб формалари хайрия қилинди.
Саховат тадбирлари давом этмоқда.
Ҳимматли ҳомийларимиз ва муқарраб дуогўйларимиздан Аллоҳ таоло рози бўлсин!
Vaqf.uz
Наманган вилояти бош имом-хатиби, Уламолар кенгаши аъзоси Абдуллоҳ домла Саматов Поп туманидаги «Якка тут» ҳамда Мингбулоқ туманидаги «Гулбоғ» жоме масжидларида бўлди.
Ташриф давомида бош имом-хатиб мазкур масжидларда намозхонлар учун қулай шароитлар яратиш мақсадида қайта қурилаётган таҳоратхоналар ҳолати билан яқиндан танишди.
Қурилиш жараёнлари кўздан кечирилиб, барпо этилаётган замонавий таҳоратхоналарнинг сифатли, миллий меъморчилик анъаналари ва барча санитария-гигиена талабларига тўлиқ жавоб берадиган тарзда амалга оширилиши бўйича тегишли тавсиялар берилди.
Шунингдек, ушбу хайрли ишларда фидойилик кўрсатаётган қурувчилар ва ҳисса қўшаётган юртдошларимиз ҳаққига дуо қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 