14 Август, 2026, 1 Рабиъул аввал, 1448
14 Август, 2026, 1 Рабиъул аввал, 1448
Мамлакатимиз мустақиллигининг 34 йиллиги муносабати билан Ўзбекистон мусулмонлари идораси Сурхондарё вилояти вакили Расулжон домла Абдуллаев ва Сариосиё туманидаги “Хожа Алоуддин Аттор” жоме масжиди имом-хатиби Абдуқодир домла Мирзақуловлар ташаббуси билан "Ватан учун, миллат учун, халқ учун!" шиори остида ўтгазилган хайрли иш ҳам юзлаб оилаларга байрамона кайфият улашди.
Ҳайрли тадбир давомида Сариосиё туманининг чегара ҳудудида жойлашган 7 та маҳаллада истиқомат қилувчи кам таъминланган оилаларнинг 210 нафар фарзандига мактаб кийимлари, миллий либослар, дўппилар совға қилинди.
Кўрсатилган эътибор ва кўмакдан мамнун бўлган ота-оналар ҳадя улашганлар ҳаққига дуолар қилишди.
Ўз навбатида тадбир ташкилотчилари ҳам келажак ворисларини ватани, халқи фаравонлиги учун муносиб хизмат ва ҳайрли амаллар қиладиган инсонлар бўлишларини тилашди.
Ўзбекистон мусулмонлари идораси
Сурхондарё вилояти вакиллиги
Матбуот хизмати
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 