1. Уйғонишга ишонч комил бўлса, Витр намозини кечанинг охирги қисмида ўқиш.

Жобир розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким кечанинг охирида тура олмасликдан қўрқса, унинг аввалида Витр ўқисин. Албатта, тунги намоз шоҳид бўлингандир. Ўша афзалдир”, дедилар (Имом Муслим, Имом Термизий ривояти).

2. Биринчи ракатда “Аъла”, иккинчи ракатда “Кафирун”, учинчи ракатда “Ихлос” сурасини зам қилиш.

Абдулазиз ибн Журайж розияллоҳу анҳудан ривоят қилинади: “Оиша розияллоҳу анҳо онамиздан Расулуллоҳ соллаллоҳу алайҳи васаллам Витр намозида қандай сураларни ўқишларини сўрадик”. У киши: «Биринчи ракатда “Саббиҳисма Роббикал аъла”ни, иккинчи ракатда, “Қул йаа айюҳал каафирун”ни, учинчи ракатда “Қул ҳуваллоҳу аҳад” ва “Муъаввазатайни”ни ўқир эдилар», дедилар (Имом Абу Довуд ривояти).

3. Витр намозидан сўнг ушбу тасбеҳни айтиш:

“Субҳаанал маликил қуддус, субҳаанал маликил қуддус, субҳаанал маликил қуддус, Роббил малааикати вар-руҳ”

“Малик ва Қуддус сифатли Аллоҳ покдир”.

«Расулуллоҳ соллаллоҳу алайҳи васаллам салом берганларидан кейин “Субҳаанал маликил қуддус”ни уч марта айтар ва учинчисида овозларини кўтарар эдилар» (Имом Насоий, Имом Абу Довуд ривояти).

4. Ушбу дуони ўқиш:

Ҳазрат Али розияллоҳу анҳу айтадилар: «Расулуллоҳ соллаллоҳу алайҳи васаллам витрларининг охирида, салом берганларидан кейин:

“Аллоҳумма инни аъузу биризока мин сахотика ва бимуъафаика мин уқубатика ва аъузу бика минка. Ла уҳси санаан алайка анта кама аснайта ала нафсика”

“Аллоҳим, албатта, мен Сенинг розилигинг ила ғазабингдан, офиятинг ила уқубатингдан, паноҳ тиламайман. Сенга мақтовни санай олмайман. Сен Ўзинг Ўзингни қандоқ мақтасанг шундоқсан”, деб айтардилар (Имом Абу Довуд ривояти).
 

Даврон НУРМУҲАММАД