Ўзбекистон Республикаси Президентининг “Имом Термизий таваллудининг 1200 йиллигини кенг нишонлаш тўғрисида”ги қарорига асосан Имом Термизийнинг ҳаёти ва илмий меросини кенг оммалаштириш мақсадида илмий-оммабоп ҳужжатли фильм ва спектакль сахналаштириш бўйича аниқ топшириқлар берилган эди. 
 

Шу муносабат билан шу йил 5 март куни Сурхондарё вилояти мусиқали драма театрида драматург Шавкат Пардаев қаламига мансуб Имом Термизийнинг ибратли ҳаёти ва илмий меросини ўз ичига олган “Имом Термизий” номли асар сахналаштирилди.

Ушбу спектакль Жамоатчилик кенгаши томонидан мақулланди ва томошабинларга намойиш этишга тавсия этилди.

Мазкур асарнинг сахналаштирилиши, Имом Термизий шахсининг тарихий аҳамиятини янада очиб бериш ва ёш авлодга унинг илмий меросини танитишда катта аҳамиятга эга. 

Имом Термизий халқаро илмий

тадқиқот маркази

Матбуот хизмати