10 Август, 2026, 27 Сафар, 1448
10 Август, 2026, 27 Сафар, 1448
1991 йилдан буён фаолият юритаётган Жинна илмий-тажриба станцияси Антарктика қитъасидаги илк намозгоҳ сифатида расман тасдиқланган маскан ҳисобланади. Станция Покистоннинг илмий базаcи бўлиб, мамлакатнинг қутб минтақасини тадқиқ этишга қаратилган саъй-ҳаракатлар доирасида ташкил этилган.
Шарқий Антарктика ҳудудида жойлашган мазкур станция 1991 йилда ташкил этилган бўлиб, илмий ва логистик марказ сифатида хизмат қилиб келмоқда. Станция Покистоннинг Океанография миллий институти томонидан бошқарилади ва музшунослик, денгиз биологияси ҳамда иқлимшунослик бўйича тадқиқотлар олиб борилади.
Станция фаолияти бошланган илк кунларданоқ Антарктикадаги мусулмон мутахассислар ўзларининг ибодатларини бажариб келмоқдалар. Қаттиқ совуқ, ойлаб давом этувчи тунда ҳам улар намозларини мунтазам адо этиб келишган. Илгари вақтинчалик экспедицияларда ҳам айрим одамлар Антарктикадада намоз ўқиган бўлиши мумкин, лекин илк жамоавий намозлар айнан Жинна станцияси доимий фаолият бошлаши билан йўлга қўйилган.
Станциянинг асосий яшаш жойи ичида кичик намозгоҳ ташкил этилган бўлиб, Антарктика минтақасига мос ҳисоб-китоблар асосида қибла йўналиши аниқлигида қурилган.
Антарктика шартномаси бандларида барча тадқиқот станцияларида диний эркинлик ва ибодат ҳуқуқини таъминлаш ва ҳурмат қилиш қайд этилган. Покистон ҳукумати маълумотларига кўра, Жинна Антарктика станцияси ҳозир ҳам фаолият юритмоқда, илмий изланишлар билан бирга мутахассисларнинг диний эҳтиёжлар учун ҳам шароит яратилган.
Мазкур станция Покистон Республикасининг асосчиси — Муҳаммад Али Жинна номи билан аталган.
Тошкент ислом институти катта ўқитувчиси
Пўлатхон Каттаев тайёрлади
Мустақиллигимизнинг 35 йиллиги муносабати билан Фарғона вилоятидаги диний соҳа вакиллари иштирокида “Ягона Ватан, ягона халқ бўлиб, янги ҳаёт ва келажак яратамиз!” шиори остида “Заковат” интеллектуал ўйини ҳамда стол тенниси бўйича мусобақанинг вилоят босқичи бўлиб ўтди.
Мазкур тадбирдан кўзланган асосий мақсад диний соҳа ходимларининг интеллектуал салоҳиятини юксалтириш, соғлом турмуш тарзини тарғиб қилиш ҳамда улар ўртасида ўзаро ҳамжиҳатлик муҳитини янада мустаҳкамлашдан иборатдир. Кўтаринки руҳ ва дўстона муҳитда ўтган беллашувларда иштирокчилар билим, тафаккур ва чаққонлик борасида ўз маҳоратларини намоён этди.
Қизғин ва муросасиз баҳслар якунига кўра ғолиблар аниқланди.
“Заковат” интеллектуал ўйини натижалари:
1-ўрин — Марғилон шаҳри жамоаси;
2-ўрин — Олтиариқ тумани жамоаси;
3-ўрин — Фарғона шаҳри жамоаси.
Стол тенниси мусобақаси натижалари:
1-ўрин — Сарвар Раҳмонзода («Эшонбобо» жоме масжиди имом ноиби);
2-ўрин — Муҳаммадюнус Мирзараҳимов («Сулаймонбек ҳожи» жоме масжиди имом ноиби);
3-ўрин — Муҳаммадюсуфхўжа Саидхўжаев («Абу Мусо ал-Ашъарий» жоме масжиди имом ноиби).
Тадбир якунида ғолиб ва совриндорларга ташкилотчилар томонидан диплом ҳамда қимматбаҳо эсдалик совғалари топширилди.
Ўзбекистон мусулмонлари идорасининг
Фарғона вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 