06 Март, 2026, 17 Рамазон, 1447
06 Март, 2026, 17 Рамазон, 1447
Шу йил 5 ноябрь куни Ўзбекистон мусулмонлари идораси раиси ўринбосарлари Зайниддин домла Эшонқулов ва Обид Қодиров, Идора бўлим бошлиқлари Исломиддин домла Зуҳриддинов ва Музаффар домла Камоловлар Бухоро вилоятида бўлиб, “Янги Ўзбекистоннинг тинчлик ва маънавият тарғиботчилари” ташаббуси доирасида амалга оширилаётган тарғибот ишларида иштирок этишди.
Дастлаб соҳа масъуллари Мир Араб олий ва ўрта махсус таълим муассасалари ва Жўйбори Калон аёл-қизлар ўрта махсус ислом юртида талаба-ёшлар ва профессор-ўқитувчилар билан учрашув ўтказди. Уларга Бухоро вилояти бош имом-хатиби, Мир Араб олий мадрасаси ректори Жобир домла Элов, таълим муассасалари раҳбарлари ҳамроҳлик қилдилар.
Йиғилишда диний таълимни такомиллаштириш, ёшларни соф эътиқод ва юксак маънавият руҳида тарбиялаш, илмий-тадқиқот ишларини қўллаб-қувватлаш ва малака кўникмаларини ривожлантириш масалалари муҳокама қилинди.
Шунингдек, талабалар билан очиқ мулоқотда уларнинг фикр ва таклифлари тингланди. Зайниддин домла Эшонқулов ёшларни илмга интилиш, ватанпарварлик ва ахлоқий покликка чорлади.
Сафар давомида соҳа масъуллари вилоятда фаолият юритаётган масжид имом-хатиблари ва отинойилар иштирокида йиғилиш бўлиб ўтди. Унда масжидларда диний-маърифий фаолиятни ривожлантириш, жамоатчилик билан самарали мулоқотни ташкил этиш, ёшларни соф эътиқод ва маънавий поклик руҳида тарбиялаш ҳамда имом-хатиблар ва отинойилар малакасини янада юксалтириш масалалари муҳокама қилинди.
Шунингдек, Ғиждувон туманида ўтказиладиган “Янги Ўзбекистоннинг тинчлик ва маънавият тарғиботчилари” ташаббуси доирасидаги “Сайёр қабул” бўйича амалий кўрсатмалар берилиб, ишчи гуруҳ томонидан топшириқ ва тавсиялар берилди.
Ўзбекистон мусулмонлари идораси
Бухоро вилояти вакиллиги
Матбуот хизмати
“Халқаро Қуръони карим мукофоти” Шайх Маҳмуд Халил ал-Ҳусарийни дунё миқёсидаги Қуръон шахсияти сифатида танлади
“IQNA” сайти хабарига кўра, Бирлашган Араб Амирликлари Президенти ўринбосари, Вазирлар Кенгаши раиси, Дубай амири Шайх Муҳаммад бин Рошид Ол Мактум жаноблари мисрлик машҳур қори, Шайх Маҳмуд Халил ал-Ҳусарий раҳимаҳуллоҳни “Дубай халқаро Қуръони карим мукофоти” нинг ғолиби сифатида эълон қилди.
Дубай амири Шайх Муҳаммад бин Рошид Ол Мактум ўзининг X (собиқ Twitter) аккаунтида шундай деб ёзди:
“Дубай халқаро Қуръони карим мукофоти” Қуръони карим китобига хизмат қилиш, ҳофизлар ва қориларни тақдирлаш, Қуръони карим илмлари бўйича хизмат кўрсатган фидоийларга эҳтиром кўрсатиш мақсадида 28 йилдан бери фаолият юритиб келмоқда. Бугун биз буюк бир улуғ исломий шахсни дунё миқёсидаги “Қуръони карим шахсияти” сифатида тақдирлашимизни эълон қиламиз: “Шайх Маҳмуд Халил ал-Ҳусрий... Замонамизнинг тиловат уламоларидан бири... Биринчи бўлиб Қуръони каримни тўлиқ мураттал (тартил) услубида ёзиб қолдирган... Шарқу ғарбда энг кўп тарқалган етук қорилардан бири сифатида эътироф этилган. Аллоҳ таоло у кишини раҳматига олсин ва ушбу буюк ишларини ҳасанот тарозисига қўшсин”.
Шайх Муҳаммад бин Рошид Ол Мактум қўшимча қилди: "Шунингдек, бу йил “Дубай халқаро Қуръони карим мукофоти” доирасида дунёнинг турли бурчакларидан танланган олтита ажойиб қори овозини танладик. Улар 2026 йил учун “Қуръони карим тиловати бўйича энг хушовоз қори” унвони учун мусобақалашади. Юракларни титратадиган овозлар... Республика овоз бериш эшигини очиб, жамоатчиликни 2026 йилнинг энг гўзал Қуръон овозини танлаш тадбирида қатнашишга таклиф этамиз. Ғолибларни шу йилнинг 2 март куни Қуръони карим ва унинг аҳлини улуғлайдиган тантанали маросимда мукофотлаймиз”.
Илёс АҲМЕДОВ
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 