10 Август, 2026, 27 Сафар, 1448
10 Август, 2026, 27 Сафар, 1448
Хабарингиз бор, Ўзбекистон мусулмонлари идораси, муфтий Шайх Нуриддин Холиқназар ҳазратларининг ташаббуслари билан имом-хатиблар ва имом ноиблари учун навбатдаги махсус "Тажвид дарслари" бошланди.
Бугун, 19 ноябрь куни Сирдарё вилоятида "Тажвид дарслари"нинг илк машғулотлари бўлиб ўтди. "Қуръон ва тажвидни ўргатиш" ҳамда Масжидлар билан ишлаш бўлимлари ҳамкорлигида ташкил этилган ушбу дарс олдидан "Қуръон ва тажвидни ўргатиш" бўлими бошлиғи, ўн қироат соҳиби Устоз Шайх Алижон қори Файзуллоҳ Махдум тажвид илмининг фазилати ва унинг имомлик вазифасидаги аҳамияти ҳақида маъруза қилди.
Вилоят бош имом-хатиби Ҳабибуллоҳ домла Зокиров имом-хатиблар ва имом ноиблар учун ташкил қилинган бундай "Тажвид дарслари" юртимизда илм аҳлининг даражасини янада оширишини таъкидлади.
Сирдарё вилоятида Абдусамад қори Мамасолиев амалий машғулот олиб бормоқда.
Ўзбекистон мусулмонлари идораси
Матбуот хизмати
Бугун, 10 август куни Хоразм вилояти Урганч шаҳридаги «Охун бобо» жоме масжидида хайрли ва саховатпеша тадбир ташкил этилди.
Ўзбекистон Республикаси мустақиллигининг 35 йиллиги ҳамда яқинлашиб келаётган янги ўқув йили муносабати билан Урганч шаҳар бош имом-хатиби Ҳасанбой домла ва саховатпеша ҳомийлар ташаббуси билан боқувчисини йўқотган ҳамда кам таъминланган оилалар ҳолидан хабар олинди.
Тадбир доирасида мактаб ёшидаги ўқувчиларга янги ўқув йили учун зарур бўлган мактаб формаси, сумка ва тўлиқ ўқув қуроллари тўпламлари тантанали равишда топширилди.
Маросим якунида юртимиз тинчлиги, хонадонлар файзу баракаси ва хайрли ишга ҳисса қўшган барча саховатпеша инсонлар ҳақига эзгу дуолар қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 