16 Сентябр, 2026, 5 Рабиъус сони, 1448
16 Сентябр, 2026, 5 Рабиъус сони, 1448
2025 йил 05 декабр куни Наманган вилояти вакиллигида бош қомусимиз қабул қилингани муносабати билан Наманган вилоятида фаолият олиб бораётган диний соҳа ходимлари ўртасида Муфтий Нуриддин Холиқназар ҳазратларининг китоблари асосида ЗАКОВАТ интеллектуал ўйини бўлиб ўтди.
Тадбирнинг очилиш маросимида Наманган вилояти ҳокимининг ўринбосари Жамшед Хатамов, Наманган вилояти бош имом-хатиби Мусохон домла Аббасиддиновлар сўзга чиқиб беллашув иштирокчиларига омад тилашди.
Мазкур беллашув диний соҳа ходимларининг ақлий фаоллигини ошириш, ўзаро жамоавий ҳамфикрлигини қўллаб-қувватлаш, ҳамжиҳатликни мустаҳкамлаш, илмий салоҳиятларини ошириш мақсадида ташкил этилди.
Жами 14 жамоа иштирок этган ЗАКОВАТ интеллектуал ўйини қизғин баҳс-мунозараларга бой тарзда ўтди. Интеллектуал ўйиннинг якуний натижаларига кўра;
1-ўрин Наманган шаҳар имомларини "ЗИЁ" жамоаси,
2-ўрин Уйчи тумани имомларини "Ахси" жамоаси,
3-ўрин Тўрақўрғон тумани имомларини "Қадим Ахсикент" жамоасига насиб қилди.
Ғолибларга Ўзбекистон мусулмонлари идораси Наманган вилоят вакиллигининг диплом ва эсдалик совғалари топширилди.
Ўзбекистон мусулмонлари идораси
Наманган вилояти вакиллиги Матбуот хизмати
Бухоро шаҳридаги "Сайфиддин Бохарзий" (Шайх ул-Олам) жоме масжидида замонавий талаблар асосида барпо этилган янги таҳоратхона намозхонлар ихтиёрига топширилди.
Мазкур иншоот бир вақтнинг ўзида 70 нафаргача намозхонга хизмат кўрсатиш қувватига эга. Шунингдек, унда имконияти чекланган фуқаролар учун махсус жиҳозланган 4 та алоҳида хона ҳам ташкил этилган.
Иншоот ёзги ва қишки мавсумларда ибодат қилувчилар учун максимал даражада қулай бўлган барча зарур шароитлар, жумладан, иситиш ва совитиш тизимлари билан тўлиқ таъминланган.
Аллоҳ таоло ушбу хайрли ишга ҳисса қўшган ҳомийлар, меҳнат қилган қурувчи ва усталарнинг эзгу амалларини даргоҳида ҳусни қабул айласин!
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 