Самарқанд вилоятида Дин ишлари бўйича қўмита ҳузуридаги Институт томонидан ташкил этилган ўқув курслари ўз якунига етди.

2026 йил 25 апрель куни бўлиб ўтган машғулотларда асосий эътибор ислом қадриятлари, диний геосиёсат таҳлили, аёлларга хос фиқҳий масалалар ҳамда радикаллашувнинг олдини олиш механизмларига қаратилди.

Институт ўқитувчилари ва Имом Бухорий халқаро маркази ходимлари томонидан олиб борилган тренинглар очиқ мулоқот шаклида ўтди.

Тингловчилар нафақат назарий билимларини мустаҳкамладилар, балки ҳудудлардаги ижтимоий-диний муаммолар юзасидан мутахассислардан ечимлар олдилар.

Ўқувлар якунида иштирокчилар билан якуний суҳбатлар ўтказилди. 

Sammuslim.uz