10 Апрел, 2026, 21 Шаввол, 1447
10 Апрел, 2026, 21 Шаввол, 1447
Оталарни бекорга “давлатим” демаймиз. Улар бор экан, ҳаётда ўз ўрнимизни топамиз. Оталар биз яхши ўқишимиз учун қўлларидан нима келса, қилади. Ўз оёқ кийимлари йиртилиб қолса ямаб кияр, лекин бизга янгисини олиб беради. Ишлари юришмай сал пул топишлари камайиб қолса, сиқилади, лекин буни бизга билдирмайди.
Болалигимизда-чи! Биз ёш бола бўлиб, “уни олиб беринг, буни олиб беринг”, десак, кўнглимизга қарашади. Тирноқларимиз, сочларимизни олиб қўядилар.
Ҳалқимизда “Ота рози – Худо рози”, деган мақол бор. Ҳаёт бўлган оталаримизни қадрлайлик, ўтиб кетган бўлсалар, Аллоҳ раҳмат қилсин. Бир гап – улар ҳатто ўтган бўлсалар ҳам бизнинг давлатларимиз экан.
Эй умрим жавҳари, давлатим отам,
Диллари қуёшдир, меҳрибон отам,
Сизга издошдирман то умрим қадар,
Бошимда доимий соябон отам.
Бу дунё синовли ёлғончи гўё,
Ўтгайдур умрлар мисоли дарё,
Дўст деган улфатим бўлса-да аммо,
Бўлолмас сиз каби қадрдон, отам.
Акбаршоҳ РАСУЛОВ
Мамлакатимизда амалга оширилаётган рақамлаштириш ислоҳотлари доирасида Ўзбекистон мусулмонлари идораси томонидан диний соҳа ходимлари фаолиятини янги босқичга кўтариш борасида тизимли ишлар олиб борилмоқда. Хусусан, имом-хатиблар ва имом-ноибларининг кундалик иш фаолияти ҳамда маънавий-маърифий тадбирлари мониторинги KPI (самарадорликнинг муҳим кўрсаткичлари) платформаси орқали назорат қилинмоқда.
Шу муносабат билан, жорий йилнинг 9 апрель куни Андижон вилоятида шаҳар ва туман бош имом-хатиблари ҳамда масжид ҳужжатларига масъул ходимлар иштирокида йиғилиш бўлиб ўтди.
Тадбирда Ўзбекистон мусулмонлари идораси раиси ўринбосари Муҳаммадолим Муҳаммадсиддиқов, Масжидлар билан ишлаш бўлими мудири Музаффар Камолов ва Кадрлар билан ишлаш бўлими бошлиғи Салоҳиддин Шерхоновлар иштирок этди.
Сўзга чиққанлар имом-хатибларнинг илмий ва касбий маҳоратини ошириш, фаолиятдаги камчиликларни бартараф этиш ҳамда иш жараёнини тизимли ташкил этишда KPI платформасидан самарали фойдаланиш бўйича зарур кўрсатма ва топшириқлар бердилар.
Muslimun.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 