Ўзбекистон Республикаси Президенти Шавкат Мирзиёев ташаббуси билан глобал ўзгаришлар ва замонавий тенденцияларни инобатга олган ҳолда "Ўзбекистон – 2030" стратегиясининг такомиллаштирилган лойиҳаси ишлаб чиқилди.
Айни пайтда мазкур лойиҳа жамоатчилик муҳокамаси учун uzbekistan2030.uz онлайн платформасига жойлаштирилган. Фуқаролар лойиҳа билан танишиб, "Фикр қолдириш" тугмаси орқали ўз таклиф ва мулоҳазаларини билдиришлари мумкин.
Янги фикрлар, янги таклифлар билан - янги даврга шиддатли қадам! Муҳокамаларда фаол қатнашинг!
https://uzbekistan2030.uz/uz-Cyrl/muhokama
Муборак ой муносабати билан Хоразм вилоятидаги кам таъминланган, эҳтиёжманд оилалар учун ҳам “Рамазон – меҳр-мурувват, аҳиллик ва шукроналик ойи”, деган эзгу ғоя асосида ифторлик дастурхонлари ёзилмоқда. Ҳозирга қадар умумий ҳисобда имомлар томонидан 11 та оилага кирилиб, уларга жами 27 миллион сўмлик озиқ-овқат жамланмалари туҳфа қилинди.
Жумладан, вилоят бош имом-хатиби Хайруллоҳ домла Абдуллаев Урганч шаҳридаги Абулғози Баҳодирхон кўчаси 159-уйда яшовчи Сўнажон Бозорбоева хонадонида файзли ифторлик уюштириб, хонадон аъзоларидан ҳол-аҳвол сўраб, уларнинг қалблари қувончга тўлдирилди.
Бу йилги Рамазонда вилоят маҳаллаларидаги кам таъминланганлар учун бошланган бундай ифторликлар Рамазонни янада файзли, тароватли ўтказишга хизмат қилади.
Ўзбекистон мусулмонлари идораси
Матбуот хизмати