Сайт тест ҳолатида ишламоқда!
13 Феврал, 2026   |   25 Шаъбон, 1447
search icon
Aввалги сайт
O`Z РУ EN AR

Тошкент шаҳри
Бомдод
06:02
Қуёш
07:21
Пешин
12:42
Аср
16:12
Шом
17:58
Хуфтон
19:11
Bismillah
13 Феврал, 2026, 25 Шаъбон, 1447
Aввалги сайт
#search
 YouTube
Янгиликлар

Шайх Юсуфхон тўра Шокиров ҳаёти ва фаолияти талаба қизларга таништирилди

15.01.2026   12814   1 min.
Шайх Юсуфхон тўра Шокиров ҳаёти ва фаолияти талаба қизларга таништирилди

Ўзбекистон мусулмонлари идораси томонидан кўп йиллар диний-маърифий соҳада фидокорона хизмат қилган таниқли уламо Шайх Юсуфхон тўра Шокиров таваллудининг 100 йиллиги мамлакатимиз бўйлаб кенг нишонланмоқда.

Шу муносабат билан «Хадичаи Кубро» аёл-қизлар ўрта махсус ислом таълим муассасасида уламо хотирасига бағишланган маънавий-маърифий тадбирлар ўтказилди. Тадбир доирасида Юсуфхон тўра ҳазратларининг яқинлари ва ҳамкасблари иштирокида мазмунли давра суҳбати ташкил этилди. Унда уламонинг қизлари — Рокияхон Ҳасанбоева, Адибахон Нишонова, Кифояхон Узоқова, келини Муаззампошша Шокирова ҳамда ҳамкасби Зарифа Қосимова иштирок этдилар.

Суҳбат давомида талаба қизларга Шайх ҳазратларининг Диний бошқармадаги кўп йиллик самарали меҳнати, ота сифатида фарзандларига кўрсатган меҳри, аёл-қизларнинг илм олишига бўлган юксак эътибори ва замон талабларига мос тарбия беришдаги қатъияти каби фазилатлари ҳақида сўзлаб берилди.

«Шайх Юсуфхон тўра Шокиров нафақат йирик олим, балки қизларининг жамиятда ўз ўрнини топиши ва илмли бўлишига катта аҳамият берган фазилатли ота эдилар», — дея таъкидладилар.

Тадбирлар доирасида устоз ва талабалар томонидан алоҳида тайёргарлик кўрилиб, эумладан, Шайх Юсуфхон тўра Шокиров ҳаёти ва фаолиятига оид махсус видеоролик, инфографикалар ва тақдимот материаллари намойиш этилди.

Бу каби тадбирлар келажакда диний ва замонавий илмларни пухта эгаллашга интилаётган талаба қизлар учун юксак ибрат ва маънавий озуқа бўлиб хизмат қилади.

З. Комилжонова,

«Хадичаи Кубро» таълим муассасаси маънавий-маърифий ишлар

бўйича директор ўринбосари

Ўзбекистон янгиликлари
#logo
Бошқа мақолалар
Мақолалар

Фиръавнга қарши чиққан аёл

13.02.2026   458   2 min.
Фиръавнга қарши чиққан аёл

Бисмиллаҳир Роҳманир Роҳийм

ОЛТИН БEЗАКЛАР
Биринчи безак: Фиръавнга қарши чиққан аёл

Мозий қолди ортингда, келажак мавҳум,
Вақтинг қадрин бил, бўлма ундан ҳам маҳрум.

 

Шариатни яхши ўрганиб Қуръон ва ҳадисларга назар солсангиз Аллоҳ таоло солиҳа ва мўмина аёлни мақтаганини кўришингиз мумкин. У зот айтади:

﴿وَضَرَبَ اللَّهُ مَثَلًا لِلَّذِينَ آَمَنُوا اِمْرَأَةَ فِرْعَوْنَ إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ وَنَجِّنِي مِنْ فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ﴾

“Аллоҳ иймон келтирганларга Фиръавннинг хотинини мисол қилиб кўрсатди. У: “Роббим, менга Ўз ҳузурингда, жаннатда бир уй бино қилгин. Менга Фиръавндан ва унинг ишидан нажот бергин ва золим қавмлардан нажот бергин, деб айтди” (Таҳрим сураси, 11-оят).

Аллоҳ таоло Осиё онамизни мўмин ва мўминаларга қандай жонли мисол қилганини ўйлаб кўринг. Аллоҳ таоло у зотни Ўзининг тўғри йўлида юришни истаган барча инсонларга рамз ва белги қилиб қўйди. У жуда ақлли аёл эди. Шунинг учун ҳам Роббисига яқин бўлишни сўради. Туғёнга кетган, кофир ва гуноҳкор Фиръавннинг итоатидан чиқди. Қасрда хизматчилар, ҳашамат ва зеб-зийнатлар ичида яшашдан бош тортриб, мўминларга ваъда қилинган, остидан анҳорлар оқиб турадиган гўзал ва боқий жаннатни танлади.

У жуда улуғ аёл эди. Шунинг учун ҳам унинг ғайрати ва ростгўйлиги уни ўзининг туғёнга кетган ва золим эрига ҳақиқатни айтишга ундади. Уни Аллоҳга иймон келтиргани учун азоблашди ва охир-оқибат шу йўлда вафот этди. Лекин Аллоҳ уни то қиёматга қадар ҳар бир мўмин ва мўминага гўзал намуна қилиб қўйди, Ўз Китобида унинг номини айтиб мадҳ этди ва унинг амалига тасанно айтди. Аллоҳнинг йўлидан адашиб кетган эрини эса мазаммат қилди.

Шуъласи: Бўрон ичида бўлсанг ҳам яхшилик умидида бўл.


Доктор Оиз ал-Қарнийнинг
"Дунёдаги энг бахтли аёл" китобидан

Мақолалар
#logo