Бухоро шаҳар «Абу Бакр ас-Сиддиқ» жомеъ масжидида навбатдаги маънавий-маърифий суҳбат бўлиб ўтди.

Ўзбекистон мусулмонлари идораси Бухоро вилояти вакиллиги ташаббуси билан ташкил этилган мазкур тадбирда имом-хатиб Ориф домла Тўқсонов иштирок этди.

Гапириш ва эшитишда нуқсони бўлган фуқаролар учун мўлжалланган ушбу суҳбат «Ватанга муҳаббат муқаддас бурч» мавзусига бағишланди.

Суҳбат давомида иштирокчилар ақида, фиқҳ ва ижтимоий ҳаётга оид саволларга атрофлича жавоб олдилар. Барча суҳбатлар малакали сурдо таржимон орқали етказилди.

Аллоҳ таоло бу хайрли ишларни бардавом, мукофотли ва манфаатли қилсин!

Ўзбекистон мусулмонлари идораси
Бухоро вилояти вакиллиги Матбуот хизмати