16 Апрел, 2026, 27 Шаввол, 1447
16 Апрел, 2026, 27 Шаввол, 1447
Ўзбекистон мусулмонлари идораси жамоаси Жиззах вилояти Бахмал туманидаги “Новқа ота” жоме масжиди имом-хатиби Шароф домла Азимовнинг волидаи муҳтарамалари Бахмал ҳожи онанинг вафоти муносабати билан таъзия билдиради.
Аллоҳ таоло марҳумани Ўз мағфиратига олиб, иймон ва солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!
Ҳақ таоло марҳуманинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила мукофотласин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан марҳума онахоннинг яқинларига хусусан, Шароф домла Азимовга ҳамдардлик билдирамиз.
Иннаа лиллааҳи ва иннаа илайҳи рожиъуун.
«Мусибат етганда “Албатта, биз Аллоҳникимиз ва албатта, биз Унга қайтувчимиз”, деган сабрлиларга хушхабар беринг».
Ўзбекистон мусулмонлари идораси
Muslim.uz
Ўзбекистон мусулмонлари идораси Бухоро вилояти вакиллиги ташаббуси билан Бухоро шаҳридаги «Абу Бакр ас-Сиддиқ» жоме масжидида гапириш ва эшитишда нуқсони бўлган фуқаролар учун навбатдаги маънавий-маърифий учрашув ўтказилди.
Тадбирда имом-хатиб Ориф домла Тўқсонов «Охиратнинг биринчи манзили» мавзусида таъсирли маъруза қилиб, инсон эътиқоди ва маънавиятига оид муҳим тушунчаларни иштирокчиларга етказди.
Малакали сурдо таржимон кўмагида ўтган ушбу суҳбат давомида қатнашчилар ақида, фиқҳ ва ижтимоий ҳаётга оид ўзларини қизиқтирган барча саволларга атрофлича жавоб олдилар.
Жисмоний имкониятидан қатъи назар, илмга чанқоқ қалбларни бирлаштирган мазкур хайрли учрашув якунида юртимиз тинчлиги ва халқимиз фаровонлиги сўраб дуолар қилинди.
Аллоҳ таоло ушбу маърифий ташаббусларни бардавом ва манфаатли қилсин.
Naqshband.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 