14 Август, 2026, 1 Рабиъул аввал, 1448
14 Август, 2026, 1 Рабиъул аввал, 1448
Хабарингиз бор, масъул ташкилотлар ҳамкорлигида тўй ва оилавий маросимларда ортиқча исрофгарчилик, дабдабага йўл қўймасликка қаратилган "Маромийлик" лойиҳаси амалга оширилмоқда.
Айни масалада юртдошларимиз, кенг жамоатчиликнинг фикри, қараш ва муносабатини ўрганиш, таклифларини олиш ва умумлаштириш мақсадида махсус @rmmmvq_bot ишга туширилди.
Ҳозирда 24/7 режимида ишлаётган мазкур бот орқали ишчи гуруҳнинг жамоатчилик билан тўғридан-тўғри мулоқоти йўлга қўйилиб, фуқароларнинг фикр-мулоҳазалари ўрганилиб, таклифлар, тавсиялар ҳамда эътирозлар тизимли равишда йиғиб борилмоқда.
Агар сизда ҳам шу масалада фикр ва мулоҳаза, мурожаат, таклифлар бўлса ушбу ботга юбориш
ингиз мумкин!
Ҳар бир фикр биз учун муҳим
Ўзбекистон мусулмонлари идораси томонидан аҳоли билан йўлга қўйилган очиқ ва самимий мулоқот тизими фуқароларнинг мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
12 август куни Диний идора раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг арз, таклиф ва мурожаатларини тингладилар. Юзма-юз суҳбат жараёнида масжидлар ҳолати ва фаолияти, имом-хатиблар иши, Ҳаж ва Умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид кўплаб масалалар чуқур таҳлил қилиниб, уларнинг аксарияти жойида ижобий ҳал этилди.
Эслатиб ўтамиз, бу каби қабуллар ва фуқаролар билан мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни имом-хатиблар томонидан ўтказиб келинмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 