21 Март, 2026, 1 Шаввол, 1447
21 Март, 2026, 1 Шаввол, 1447
Илоҳий муҳаббатнинг аломатларидан бири шуки, Аллоҳ таоло кимни севса, биз ҳам уни яхши кўришимиз лозим. У зот кимни душман тутса, биз ҳам уни душман деб билишимиз лозим. Ҳадиси муборакда Абу Умома Боҳилийдан ривоят қилинади:
Расулуллоҳ соллаллоҳу алайҳи васаллам: “Ким Аллоҳ йўлида яхши кўрса ва Аллоҳ йўлида нафрат қилса ва Аллоҳ учун (садақа) берса, ва Аллоҳ учун ман қилса, дарҳақиқат, иймонини комил қилибди”, дедилар (Имом Абу Довуд ва Имом Табароний ривояти).
Бу ҳадисдан олинадиган хулосалардан бири шуки, токи қалбда Аллоҳ таолонинг муҳаббати бўлмас экан, имоннинг ҳақиқий лаззатини ҳис қилиб бўлмайди.
Шайх Зулфиқор Аҳмад Нақшбандий раҳимаҳуллоҳнинг
"Илоҳий ишқ" китобидан Нодир Одинаев таржимаси
Президент Шавкат Мирзиёев 19 март куни Самарқанд вилояти Пайариқ туманида қайтадан бунёд этилган Имом Бухорий мажмуасига ташриф буюрди.
Зиёратгоҳнинг қоқ марказида буюк ҳадисшунос бобомизнинг табаррук мақбараси ўрин олган.
Давлатимиз раҳбари мақбарани зиёрат қилди. Қуръон тиловат этилиб, дуо ўқилди.
– Муборак Рамазон ҳайити арафасида буюк ватандошимиз, ҳадис илмининг султони Имом Бухорий ҳазратларининг руҳи покларига яна бир бор ҳурмат-эҳтиром бажо келтирмоқдамиз. Бухорий бобомиз Қуръони каримдан кейинги энг мўътабар манба бўлган ҳадислар китобини яратиб, бутун ислом оламида шуҳрат қозонган улуғ сиймодир. Муқаддас заминимиз дунёга мана шундай машҳур алломани бергани билан ҳар қанча фахрлансак, арзийди.
Эл-юртимизнинг фидокорона меҳнати билан бугун орзу-ниятларимиз рўёбга чиқди. Бу бетакрор зиёратгоҳни Имом Бухорий бобомизнинг оламшумул мавқеига, юксак мақомига муносиб даражада бунёд этишга муяссар бўлдик. Мана шундай табаррук маскан барчамизга муборак бўлсин, – деди давлатимиз раҳбари.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 