Сайт тест ҳолатида ишламоқда!
21 Июл, 2026   |   7 Сафар, 1448

Тошкент шаҳри
Бомдод
03:29
Қуёш
05:03
Пешин
12:34
Аср
17:38
Шом
19:55
Хуфтон
21:26
Bismillah
21 Июл, 2026, 7 Сафар, 1448
Янгиликлар

Фахрий имомларга Президент совғалари топширилди

10.03.2026   15637   1 min.
Фахрий имомларга Президент совғалари топширилди

 

 

Муҳтарам Президентимизнинг «Рамазон – меҳр-мурувват, аҳиллик ва шукроналик ойи» деган эзгу ғоялари асосида бу муборак ойда ҳеч ким меҳр ва эътибордан четда қолмаяпти.

Шу йил 6 март куни Тошкент шаҳридаги «Шайх Зайниддин» жоме масжиди мажлислар залида кўп йиллар имом-хатиб бўлиб ишлаган, диний соҳа равнақига муносиб ҳисса қўшган ҳар бир фахрий имомга давлатимиз Раҳбарининг  совғалари – 10 миллион сўм пул мукофотлари топширилди. 

Тадбирда Тошкент шаҳар бош имом-хатиби Абдуқаҳҳор домла Юнусов, «Вақф» хайрия жамоат фонди вакили қатнашиб, омонатларни ўз эгаларига етказдилар.

– Аллоҳга шукрлар бўлсинки, фахрий имомлар қадрлаган даврда яшаяпмиз, – дейди Шайх Абдулазиз Мансур. – Ҳурматли Юртбошимизнинг бундай эътибор ва ғамхўрликларидан бошимиз кўкка етди. 
Уламолар қадрланган юртга барака ёғилади. Илоҳим, азиз Ватанимиз бундан-да тараққий этаверсин.

Президентимизнинг мукофотларини олган фахрий имомлар Юртбошимиз ҳақларига, юртимиз, элимиз файза баракага тўлишини тилаб хайрли дуолар қилишди.

Тошкент шаҳар вакиллиги
Матбуот хизмати

Фахрий имомларга Президент совғалари топширилди Фахрий имомларга Президент совғалари топширилди
Ўзбекистон янгиликлари
Бошқа мақолалар
Янгиликлар

Тошкентга саёҳат: тарих, тараққиёт ва таассуротлар

21.07.2026   373   1 min.
Тошкентга саёҳат: тарих, тараққиёт ва таассуротлар

Президентимиз ташаббуси билан амалга оширилаётган «Ўзбекистон бўйлаб саёҳат қил!» дастури ижроси доирасида вилоят ҳокимлиги аппарати ходимлари учун Тошкент шаҳрига икки кунлик маърифий саёҳат ташкил этилди, хабар бермоқда "Зарафшон" нашри.

Саёҳат иштирокчилари дастлаб мамлакатимизнинг илмий ва маънавий салоҳиятини ўзида мужассам этган Ўзбекистондаги Ислом цивилизацияси марказида бўлишди. Улар бу ерда амалга оширилган кенг кўламли бунёдкорлик ишлари, буюк аждодларимиз қолдирган бой илмий-маънавий меросни асраб-авайлаш ва кенг тарғиб этишга қаратилган ишлар билан яқиндан танишди.

Шундан сўнг саёҳат дастури пойтахтнинг рамзий масканлари — Мустақиллик майдони ва «Янги Ўзбекистон» боғида давом этди. Шунингдек, иштирокчилар Тошкент шаҳридаги театрлар ва музейларга бориб, мамлакатимизда маданият ва санъат соҳасида амалга оширилаётган янгиланишлар билан танишиш имконига эга бўлишди.

- Бундай саёҳатлар давлат хизматчилари учун нафақат мазмунли ҳордиқ, балки катта маънавий озуқа ҳамдир, - дейди вилоят ҳокимининг маслаҳатчиси Шерали Темиров. - Айниқса, Ислом цивилизацияси марказида яратилган шароитлар, бой тарихий меросимиз ва пойтахтимизда амалга оширилаётган улкан бунёдкорлик ишлари барчамизда чуқур таассурот қолдирди. Бу каби сафарлар жамоадаги ҳамжиҳатликни мустаҳкамлаш, янги ғоя ва ташаббуслар билан қайтиш ҳамда иш фаолиятига янада катта иштиёқ билан киришишга хизмат қилади.

Ўзбекистон мусулмонлари идораси Матбуот хизмати

 

Ўзбекистон янгиликлари