19 Август, 2026, 6 Рабиъул аввал, 1448
19 Август, 2026, 6 Рабиъул аввал, 1448
Хабарингиз бор, Ўзбекистон мусулмонлари идораси, муфтий Шайх Нуриддин Холиқназар ҳазратларининг ташаббуслари билан имом-хатиблар ва имом ноиблари учун тажвид дарслари йўлга қўйилган.
Жорий йилнинг 6 апрель санасидан Бухоро, Хоразм ва Тошкент вилоятларида тажвид дарсларининг навбатдаги амалий машғулотлари бошланди.
"Қуръон ва тажвидни ўргатиш" ва Масжидлар билан ишлаш бўлимлари ҳамкорлигида ташкил этилган ушбу дарсларда амалий машғулотларни Абдуллоҳ қори Ҳайдаров, Абдусамад қори Мамасолиев ва Абдулбосит қори Эшқобилов олиб бормоқда.
Шунингдек, Республикамизда фаолият олиб бораётган отинойиларнинг Қуръон қироати ва тажвид борасидаги билимларини ошириш мақсадида Тошкент ислом институтида отинойилар учун ҳам тажвид бўйича чуқурлаштирилган амалий машғулотлар бошланди.
Машғулотларда фаол иштирок этган отинойиларга Қуръон қироати бўйича махсус ижоза бериш режалаштирилган.
Ўзбекистон мусулмонлари идораси
Матбуот хизмати
Энг улуғ, энг азиз байрам – Мустақиллик шодиёналарига саноқли кунлар қолди. Айём арафасида кам таъминланган, боқувчисини йўқотган, ўзгалар кўмагига муҳтож беморлар, кексалар ҳолидан хабар олиниб, уларга байрам туҳфалари етказиб бериляпти.
Бугун Тошкент шаҳар бош имом-хатиби Абдуқаҳҳор домла Юнусов бошчиликларида имом-домлалар, ҳомийлар пойтахтимизнинг Олмазор туманидаги "Исломобод" масжидида йиғилиб, эҳтиёжманд оилалар ҳолидан хабар олишди.
«Вақф» хайрия жамоат фонди Тошкент шаҳар филиали ҳамда ҳомийлар кўмагида тайёрланган озиқ-овқатлар жамланмаси, ширинликлардан иборат эҳсонлар билан хонадонларга кириб борилди.
Кўнгли ўксик инсонлар байрам туҳфаларини олиб, азиз юртимизда ҳеч ким меҳр ва эътибордан четда эмаслигига яна бир карра амин бўлишди.
Аллоҳ таоло эҳсонларни қабул қилсин. Савобларини кўпайтириб берсин!
Тошкент шаҳар вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 