28 Август, 2026, 15 Рабиъул аввал, 1448
28 Август, 2026, 15 Рабиъул аввал, 1448
Ислом оламида Қуръони каримни муайян қироат йўналиши ва санад (устозлар занжири) билан ўрганиш ҳамда бу борада ижоза олиш қадимий анъана бўлиб, у илоҳий каломни асл ҳолича сақлашга хизмат қилади.
Тошкент ислом институти ҳузуридаги “Қуръони карим ва тажвид” ўқув курсида ушбу хайрли анъана изчил давом эттирилмоқда. Жумладан, қуйидаги устозлар қироат илмини муваффақиятли якунлаб, ижоза соҳибига айланди:
Нуруллоҳ қори Сайдуллаев – “Қуръони карим ва тажвид” ўқув курси устози. У киши Имом Осим қироатининг Ҳафс ривоятини “Шотибий” йўли асосида тўлиқ топширди.
Файзуллоҳ қори Иззатуллаев – Ўқув курсининг Янгийўл тумани филиали устози, Зангиота туманидаги “Садр ота” жоме масжиди имом-хатиби. Файзуллоҳ қори Имом Осим қироати, Ҳафс ва Шўба ривоятларини “Шотибия” йўли орқали якунлади.
Қуръони каримни мазкур йўналишлар бўйича тўлиқ хатм қилган устозларимизга ижоза шаҳодатномаларини 10 та қироат соҳиби, Ал-Азҳар шайхи Иброҳим Муҳаммад тантанали равишда топширди. Мазкур ҳужжат соҳибига Қуръони каримни нафақат қироат қилиш, балки ўзлаштирилган йўналишлар бўйича бошқаларга ҳам дарс бериш ҳуқуқини беради.
Маълумки, ижоза – Қуръони каримни ривоят қилиш учун устоз томонидан бериладиган илмий изндир. Бу шаҳодатноманинг аҳамияти шундаки, унинг силсиласи устоздан устозга ўтиб, бевосита Пайғамбаримиз Муҳаммад Мустафо соллаллоҳу алайҳи васалламга бориб тақалади.
Аллоҳ таоло устозларимизнинг илмий фаолиятларини хайрли ва баракотли қилсин. Қуръон нури билан халқимиз маърифатини юксалтириш йўлидаги хизматларида зафарлар ёр бўлсин!
Oliymahad.uz
Испаниянинг “Orta Lectura” нашрида Ўзбекистонда туризм соҳасида амалга оширилаётган ислоҳотларга бағишланган мақола эълон қилинди, деб хабар бермоқда “Дунё” АА.
Мақолада қайд этилишича, сўнгги йилларда Ўзбекистон турли нуфузли халқаро рейтингларда ҳамда хорижий давлатларнинг сайёҳлар учун тавсияларида юқори хавфсизлик даражасига эга мамлакатлардан бири сифатида эътироф этилмоқда.
World Justice Project (WJP) томонидан эълон қилинган “Rule of Law Index 2025” натижаларига кўра, Ўзбекистон “Тартиб ва хавфсизлик” кўрсаткичи бўйича 143 та мамлакат орасида 17-ўринни, Шарқий Европа ва Марказий Осиёдаги 15 та мамлакат орасида эса 1-ўринни эгаллади.
WJP индекси 215 мингдан ортиқ фуқаролар ҳамда 4 минг 100 нафардан зиёд ҳуқуқшунос ва экспертлар ўртасида ўтказилган сўровномаларга асослангани билан аҳамиятлидир.
“Gallup” компаниясининг “2025 Global Safety Report” маърузасида таъкидланишича, Ўзбекистон аҳолисининг 86 фоизи кечаси ёлғиз юрганда ўзини тўлиқ хавфсиз ҳис қилади. Бу кўрсаткич дунё бўйича ўртача 73 фоизлик даражадан сезиларли даражада юқоридир. Шу билан бирга, “Law and Order Index”нинг кенгроқ кўрсаткичи бўйича мамлакатимиз 100 дан 91 балл тўплади.
Institute for Economics & Peace томонидан тузиладиган “Global Peace Index 2026” натижаларига кўра, Ўзбекистон ўз позициясини 30 поғонага яхшилаб, 163 та мамлакат орасида 1,726 кўрсаткич билан 37-ўринга кўтарилди. 2026 йилги расмий ҳисоботда мамлакатимиз тинчлик кўрсаткичлари энг юқори суръатда яхшиланган давлатлар қаторига киритилди.
АҚШ Давлат департаменти “Travel Advisories” тизимида Ўзбекистонга “Level 1 – Exercise Normal Precautions” даражасини, яъни “Одатий эҳтиёт чораларига риоя қилиш” тавсиясини берган. 2026 йил январда янгиланган тавсияномада хавф даражаси оширилмади. Бу АҚШ Давлат департаменти томонидан халқаро саёҳатлар учун белгиланадиган энг паст хавф даражаси ҳисобланади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 