Бисмиллаҳир Роҳманир Роҳийм
Илоҳий ишқ шундай бир неъматки, унинг натижасида инсон ҳаёт мазмунини топади. Шунинг учун киши Аллоҳ таолога дуо қилиб сўраса, Унинг Ўзини, муҳаббатини ва ишқини сўрасин.
Бугун Аллоҳ таолодан мол-дунё сўрайдиганлар кўп. Обрў-мартаба сўрайдиганлар ҳам етарлича топилади. Лекин У зотдан ўзини сўрайдиганлар афсуски жуда оз. Икки кафтини очиб: “Ё Роббим! Мен Сенинг розилигингни сўрайман. Мен Сенинг муҳаббатингни сўрайман”, деб дуо қиладиганлар кам учрайди.
Азиз дўстим! Агар кишилар обрў-мартаба, хотин, бола-чақа, бордию хатто бутун дунёнинг молини сўрасалар ҳам ишонгинки, улар Аллоҳ таолодан ҳеч нарса сўрашмабди.
Биродарим, агар Аллоҳ таолодан Унинг муҳаббатини сўрагин. Шунда барча нарсани қўлга киритасан. Дунё матоҳларининг барчаси Аллоҳ таолонинг ишқи олдида арзимас нарсадир. Шунинг учун бутун вужудимиз билан Ундан томиримиздан гуноҳ илдизларини суғуриб ташлайдиган ишқини сўрайлик.
Шайх Зулфиқор Аҳмад Нақшбандийнинг "Илоҳий ишқ" китобидан
Нодир Одинаев таржимаси
Маълумки, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ташаббуси билан юртимиздаги имом-хатиблар ва имом ноиблари учун тажвид дарслари йўлга қўйилган.
Шу муносабат билан жорий йил 6 апрелидан бошлаб Бухоро, Хоразм ва Тошкент вилоятларида тажвид илми бўйича навбатдаги амалий машғулотлар бошланди.
Мазкур дастур доирасида 2026 йил 16 апрель куни Хоразм вилоятидаги "Фахриддин ар-Розий" ўрта махсус ислом таълим муассасасида вилоят имом-хатиблари ва имом ноиблари учун илмий-амалий семинар ташкил этилди.
Мазкур тадбирда Ўзбекистон мусулмонлари идораси Қуръон ва тажвидни ўргатиш бўлими бошлиғи Шайх Алижон қори Файзуллоҳ Махдум иштирок этиб, "Хоразм уламоларининг тажвид ва қироат илмига қўшган ҳиссаси" мавзусида ҳам маъруза қилиб берди.
Ўзбекистон мусулмонлари идораси
Матбуот хизмати