27 Август, 2026, 14 Рабиъул аввал, 1448
27 Август, 2026, 14 Рабиъул аввал, 1448
Кўпчилигимиз Қуръонни фақат Рамазонда хатм қилишга одатланганмиз. Аммо бу муборак Каломни ҳар ойда бир марта ўқиб чиқишни доимий одатга айлантирсангиз, ҳаётингизда мўъжизавий ўзгаришлар содир бўла бошлайди:
1. Уйингизга фаришталар тушади
Ҳадисда келишича, Қуръон ўқиладиган уйга фаришталар келади, шайтонлар у ерни тарк этади. Хонадонингизда сиз тушунтириб беролмайдиган бир хотиржамлик ва сукунат қарор топади.
2. Ризқингизга барака киради
Қуръон тиловати вақтни ҳам, маблағни ҳам баракали қилади. Ой давомида қилган ишларингизда унум, топганингизда эса хайр кўрасиз.
3. Зеҳнингиз ва хотирангиз чархланади
Мунтазам Қуръон ўқиш мия фаолиятини яхшилайди, диққатни жамлашни ўргатади ва сизни тушкунлик (депрессия)дан ҳимоя қилади. У қалбнинг шифосидир.
4. Дуоларингиз ижобат бўлади
Расулуллоҳ соллаллоҳу алайҳи васаллам: «Ким Қуръонни хатм қилса, унинг ижобат бўладиган битта дуоси бордир», деб марҳамат қилганлар (Имом Табароний ривояти). Ҳар ойда бир марта Аллоҳдан энг муҳим ҳожатларингизни сўраш учун махсус имкониятга эга бўласиз.
5. Қалбингиз нурга тўлади
Инсон дунё ташвишлари билан чарчайди, қалби занглайди. Ҳар ойлик хатм бу зангларни тозалаб, руҳиятингизни янгилаб туради.
БУ ЖУДА ОСОН!
Қуръон тахминан 600 бетдан иборат. Агар кунига 20 бет (1 жуз) ўқисангиз, бир ойда бемалол хатм қиласиз. Бу эса ҳар намоздан кейин бор-йўғи 4 бетдан тўғри келади.
Бугундан бошланг! Ўзингизга соат вақтини белгиланг ва Аллоҳнинг каломи билан дўстлашинг.
Mirarab.uz
Малайзиянинг “Berita RTM” телеканалида Ўзбекистонда зиёрат туризми соҳасида амалга оширилаётган ислоҳотларга бағишланган махсус дастур намойиш этилди, деб хабар бермоқда “Дунё” АА.
Мамлакатимиз мустақиллигининг 35 йиллиги арафасида эфирга узатилган ушбу кўрсатувда малайзиялик профессорлар – Бадрул Иса ва Норфадилаҳ Камаруддин томонидан ишлаб чиқилган “Ўзбекистон–Малайзия: креатив туризм” номли лойиҳа тақдим этилди.
Олимлар ташаббуси билан яратилган мазкур лойиҳа мамлакатимизнинг Малайзиядаги элчихонаси, Туризм қўмитаси ва Ислом цивилизацияси маркази ҳамкорлигида амалга оширилди.
Ташаббус Ўзбекистоннинг туризм имкониятлари ҳақида “Visual storytelling” форматида профессионал рақамли контент яратишни назарда тутади.
Лойиҳага кўра, 17–31 август кунлари Малайзия UiTM технология университетининг профессионал фотографлари ва дизайнерларидан иборат ижодий жамоа Тошкент, Самарқанд, Бухоро ва Хоразмда суратга олиш ишларини олиб боради.
Малайзиялик ижодкорлар юртимиз ҳақида тайёрлаган фото ва видеоматериаллар “Instagram”, “Facebook”, “TikTok”, “YouTube” каби интернет платформаларда жойлаштирилиши режалаштирилган. Лойиҳада юртимиз олий ўқув юртларининг дизайн, санъат, туризм ва меҳмонхона бизнеси йўналишидаги талабалари ҳам иштирок этади. Бу академик, туризм ва ижодий соҳаларда тажриба алмашишни ташкил этиш имконини беради.
Дастурда фикр билдирган Бадрул Иса лойиҳа АСЕАН мамлакатлари ва мусулмон оламида Ўзбекистонни янада кенгроқ танитишга хизмат қилишини таъкидлади. Унинг фикрича, рақамли платформалар орқали мамлакатимиз тарихий мероси, зиёрат туризми ва амалга оширилаётган сўнгги ўзгаришлари кенг ёритилади.
“Биз бой тарихий мерос, юксак маданият ва меҳмондўст халққа эга бўлган Ўзбекистонни АСЕАН минтақаси аҳолиси томонидан қайта кашф этилишини истаймиз”, – деди профессор.
Шунингдек, у Ўзбекистон халқини мустақилликнинг 35 йиллиги билан табриклаб, лойиҳа натижалари ушбу санага муносиб совға бўлишини қайд этди.
Ушбу ташаббус Ўзбекистоннинг зиёрат туризмини оммалаштириш ва АСЕАН мамлакатларидан кўпроқ сайёҳларни жалб қилишга хизмат қилиши кутилмоқда.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 