14 Сентябр, 2026, 3 Рабиъус сони, 1448
14 Сентябр, 2026, 3 Рабиъус сони, 1448
Бисмиллаҳир Роҳманир Роҳийм
Дунёда ҳеч нарса абадий эмас,
Сизга етган зарар-да кўп қололмас.
Ҳаётингизга яхшилик умиди билан боқинг. Чунки ҳаёт Аллоҳнинг сизга берган ҳадяси, ушбу улуғ ҳадяни хурсандчилик ила қабул қилинг. Порлоқ тонгни гўзал табассуми, тунни сокинлиги, кундузни буюклиги ва зиёси билан қарши олинг. Тоза сувдан шукр қилиб фойдаланинг, ҳаводан сурур ила нафас олинг, гулни тасбеҳ айтиб ҳидланг ва коинот ҳақида тафаккур қилинг.
Атрофингиздаги гўзалликни гуллар боғламида, атиргулнинг чиройи, шабада эсиши, боғларнинг хушбўй иси, қуёшнинг илиқлиги ва тўлин ойнинг зиёсидан топа олинг. Ушбу неъмат ва тортиқларни Аллоҳга ибодат этишда ўзингизга қувват заҳираси қилинг, У Зотга шукр қилиб, ҳамду сано айтинг.
Сизни тушкунликнинг қўрқинчли тушлари ва ғам-ташвиш қўшинлари ушбу неъматларни кўришдан тўсиб қолиши, сўнгра сиз неъматларни инкор этадиган бўлиб қолишингиздан сақланинг. Шуни билингки, бандаларга ризқ берувчи Зот ушбу неъматларни Унинг тоатига қувват олишга сарфлаш учун яратган. У зот айтади:
﴿يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ﴾
“Эй Пайғамбарлар! Пок нарсалардан енглар ва солиҳ амаллар қилинглар. Албатта, Мен нима амал қилаётганингизни ўта билгувчиман” (Мўминун сураси, 51-оят).
Шуъла: Сахийликнинг энг пок ва энг афзали ҳеч нарсага эга бўлмаган, лекин таббасум ва ширин сўзнинг қадрига борадиганларда бўлади. Қанчадан-қанча қанча инсонлар инфоқ-эҳсон қилишади, лекин уларнинг қилган яхшиликлари худди юзга ургандек бўлади.
Доктор Оиз ал-Қарнийнинг
"Дунёдаги энг бахтли аёл" китобидан
Мисрнинг нуфузли оммавий ахборот воситаларида Ўзбекистон муфтийси, шайх Нуриддин Холиқназарнинг Муҳаммад алайҳиссалом таваллуд топган муқаддас Рабиул аввал ойига бағишланган туркум мақолалари чоп этилди, деб хабар бермоқда “Дунё” АА мухбири.
Хусусан, Мисрнинг “Al Gomhuria” нашри саҳифаларида Рабиул аввал ойи мусулмонлар қалбида алоҳида ўрин тутиши ва Умманинг Пайғамбаримизга бўлган чексиз муҳаббати туфайли бу ой анъанавий равишда “Мавлид ойи” деб аталиши ҳақидаги фикрлар кенг ёритилган. Материалда Муфтийнинг ушбу даврни янги маънавий кўтаринкилик билан кутиб олиш, уни “Набавий сийрат ойи” ва “Ибратли уммат ойи”га айлантириш, ибодат, ахлоқ ва маданият масалаларида Пайғамбаримиз ўгитларини амалий ўзлаштиришга қаратилган даъвати алоҳида таъкидланган.
“Ya7dosal2an” нашри ҳам Ислом эътиқодининг ажралмас қисми ва чин имоннинг асосий шарти бўлган Пайғамбаримизга бўлган муҳаббат сабаблари ҳақидаги методологик масалани қайд этган. Мақолада саҳобаларнинг садоқатига оид тарихий мисоллар ва гувоҳликлар келтирилган.
“Aldawlanews” ресурсида Исломни амалий тушунишнинг олий манбаи сифатида Набавий сийратни ўрганишнинг аҳамияти кўриб чиқилган бўлиб, унда шунчаки саналарни ёдлаш ўрнига ҳар бир тарихий воқеадан сабр, адолат ва раҳмат каби ҳаётий сабоқларни чиқариш зарурлиги урғуланган.
“Al Diplomacy” нашри эса Пайғамбаримизга бўлган чин муҳаббатнинг уч асосий белгисига — сийрат ҳақида тафаккур қилиш, суннатга сўзсиз эргашиш ва руҳлар шифоси ҳамда жамиятда ахлоқни мустаҳкамлашнинг маънавий асоси бўлган кўп салавот айтишга эътибор қаратди.
“Sada El Balad” расмий ресурси Ўзбекистон муфтийсининг Рабиул аввал ойини оилалар ва таълим муассасалари учун кенг қамровли тарбиявий лойиҳага айлантириш ташаббусини ёритиб, мусулмонларни ушбу ойни юксак ахлоқ ва жипсликнинг олий намунасига эргашиш йўлидаги янги дебочага айлантиришга чақирди.
“Eldameer” ахборот портали ҳам Ўзбекистон муфтийсининг асарларини атрофлича тақдим этиб, Рабиул аввал ойининг чуқур мазмуни ва суннатга эргашиш орқали маънавий покланишнинг муҳимлигига эътибор қаратди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 