16 Сентябр, 2026, 5 Рабиъус сони, 1448
16 Сентябр, 2026, 5 Рабиъус сони, 1448
Бисмиллаҳир Роҳманир Роҳийм
#ayollarga_oid_masala #namoz
Савол: Аёллар қай тарзда руку қилишларини тушунтириб беринг.
Жавоб: Бисмиллаҳир Роҳманир Роҳийм. Аёллар эркаклардан фарқли ўлароқ, рукуда бош билан бел текис бўладиган даражада тўлиқ эгилмайдилар. Балки, бошлари белдан кўра юқорироқда бўлади, оёқ тиззаларини бироз букадилар, қўлни бармоқлар орасини бирлаштирган ҳолда тизза устига қўядилар. Руку ҳолатида ўзларини йиғиштирган ва қимтинган ҳолатда турадилар. Аллома Ибн Обидин бу ҳақда бундай дейдилар:
وَتَنْحَنِي فِي الرُّكُوعِ قَلِيلًا، ...وَلَا تُفَرِّجُ فِيهِ أَصَابِعَهَا بَلْ تَضُمُّهَا وَتَضَعُ يَدَيْهَا عَلَى رُكْبَتَيْهَا، وَتَحْنِي رُكْبَتَيْهَا، وَتَنْضَمُّ فِي رُكُوعِهَا
“Аёл киши рукуда бироз эгилади. Қўл бармоқлари орасини очмайди, балки бармоқлар орасини бирлаштирган ҳолда қўлини тиззасига қўяди. Тиззаларини букади, рукуни қимтинган (ўзини йиққан) ҳолда бажаради” (“Раддул муҳтор” китоби).
Чунки мана шундай қилиш аёллар учун янада сатрлироқ бўлади. Валлоҳу аълам.
Ўзбекистон мусулмонлари идораси
Фатво маркази
Бугун, 15 сентябрь куни Озарбайжон Республикаси Президенти Илҳом Алиев Боку шаҳрида бўлиб ўтаётган Туркий давлатлар муфтийлари йиғилиши ва халқаро анжуманнинг нуфузли иштирокчиларини қабул қилди.
Самимий ва дўстона руҳда ўтган мулоқотда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Озарбайжон етакчисига Давлатимиз Раҳбарининг самимий саломи ва эзгу тилакларини етказдилар.
Учрашувда қардош давлат Раҳбари нутқ сўзлаб, халқаро анжуманларнинг аҳамиятига тўхталди. Мулоқот чоғида сўнгги йилларда мамлакатларимиз ўртасидаги стратегик шериклик ва дўстона алоқалар янги босқичга кўтарилгани алоҳида эътироф этилди.
Туркий давлатлар етакчиларининг қатъий сиёсий иродаси ва саъй-ҳаракатлари натижасида илм-фан, таълим, маданий-гуманитар ҳамда диний-маърифий жабҳаларда ҳамкорлик жадал суръатларда ривожланаётгани таъкидланди. Бу эзгу саъй-ҳаракатлар Диний идоралар раҳбарларининг муштарак мақсадлар йўлида бирлашиши, халқларимиз ўртасидаги қардошлик ришталарини янада мустаҳкамлаш, тинчлик-осойишталикни асраш ҳамда замоннинг долзарб масалалари бўйича муштарак фатво ва баёнотлар қабул қилишда муҳим пойдевор бўлаётгани қайд этилди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 