17 Сентябр, 2026, 6 Рабиъус сони, 1448
17 Сентябр, 2026, 6 Рабиъус сони, 1448
#xabar #haj2026 #prezident_hojisi
Айни кунларда юртимизда "Ҳаж – 2026" мавсуми қизғин палласига кирди. Ислом динининг бешинчи арконини адо этиш иштиёқида бўлган минглаб ҳамюртларимизни муборак диёрга кузатиш ишлари тизимли равишда юқори даражада амалга оширилмоқда.
Куни кеча муҳтарам Президентимиз томонидан эл-юрт корига яраётган, фидоий ва жонкуяр 100 нафар ватандошимизни "Президент ҳожиси" сифатида Ҳаж сафарига жўнатиш ҳақидаги хушхабар бутун мамлакатимиз бўйлаб катта қувонч ва шукроналик билан кутиб олинди.
Шу кунларда ана шундай юксак бахт ва эътирофга мушарраф бўлган Қорақалпоғистон Республикаси ва вилоятлардан келган зиёратчилар Тошкентда юқори даражада кутиб олинмоқда. Тадбирларда мутасадди вакиллар иштирок этмоқда. Хусусан, Дин ишлари бўйича қўмита раисининг биринчи ўринбосари Давронбек Махсудов ҳамда Ўзбекистон мусулмонлари идораси раиси ўринбосари Зайниддин домла Эшонқулов ушбу зиёратчиларни илиқ сўзлар, эзгу тилаклар ва эсдалик ҳадялари билан қарши олди.
Маълумот ўрнида, улуғ ҳаж ибодати олдидан Тошкентга келган ушбу зиёратчилар учун пойтахтимиздаги диққатга сазовор жойлар, муқаддас қадамжолар ва табаррук масканларга зиёратлар ташкил этилиши режалаштирилган.
Ўзбекистон мусулмонлари идораси
Матбуот хизмати
Бугун, 15 сентябрь куни Озарбайжон Республикаси Президенти Илҳом Алиев Боку шаҳрида бўлиб ўтаётган Туркий давлатлар муфтийлари йиғилиши ва халқаро анжуманнинг нуфузли иштирокчиларини қабул қилди.
Самимий ва дўстона руҳда ўтган мулоқотда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Озарбайжон етакчисига Давлатимиз Раҳбарининг самимий саломи ва эзгу тилакларини етказдилар.
Учрашувда қардош давлат Раҳбари нутқ сўзлаб, халқаро анжуманларнинг аҳамиятига тўхталди. Мулоқот чоғида сўнгги йилларда мамлакатларимиз ўртасидаги стратегик шериклик ва дўстона алоқалар янги босқичга кўтарилгани алоҳида эътироф этилди.
Туркий давлатлар етакчиларининг қатъий сиёсий иродаси ва саъй-ҳаракатлари натижасида илм-фан, таълим, маданий-гуманитар ҳамда диний-маърифий жабҳаларда ҳамкорлик жадал суръатларда ривожланаётгани таъкидланди. Бу эзгу саъй-ҳаракатлар Диний идоралар раҳбарларининг муштарак мақсадлар йўлида бирлашиши, халқларимиз ўртасидаги қардошлик ришталарини янада мустаҳкамлаш, тинчлик-осойишталикни асраш ҳамда замоннинг долзарб масалалари бўйича муштарак фатво ва баёнотлар қабул қилишда муҳим пойдевор бўлаётгани қайд этилди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 