19 Май, 2026, 1 Зулҳижжа, 1447
19 Май, 2026, 1 Зулҳижжа, 1447
Бисмиллаҳир Роҳманир Роҳийм
Қатода ибн Диъома[1] исмли олим ҳикоя қилади: “Басра шаҳрида Утба ибн Абон исмли зоҳид, тақводор, маҳзунликда Ҳасан Басрийга ўхшаган, доим рўза тутадиган киши яшаб ўтган бўлиб, унинг Мисвар исмли кекса бир қўшниси бор эди. Қўрқуви қаттиқлигидан Қуръонни тинглашга бардоши етмасди. Агар унинг олдида Қуръондан бир-икки оят ўқилса, қаттиқ қичқириб, бир неча кун ақлини йўқотгандек юрарди. Бир куни унинг ёнига Хасъам қабиласидан бир киши келди. Ёнига ўтиргач, Қуръони каримдаги:
يَوْمَ نَحْشُرُ الْمُتَّقِينَ إِلَى الرَّحْمَنِ وَفْداً
“Тақводорларни Роҳман ҳузурига меҳмон ҳайъати этиб тўплаган кунимизда”
وَنَسُوقُ الْمُجْرِمِينَ إِلَى جَهَنَّمَ وِرْداً
“Жиноятчиларни жаҳаннамга чанқоқ ҳолларида ҳайдаймиз” (Марям сураси, 85-86-оятлар) оятларини ўқиди. Буни эшитган қария “Мен жиноятчиман. Тақводорлардан эмасман. Эй қори, ҳозир ўқиган оятларни яна ўқи!” деди. Бояги киши оятларни яна ўқиди. Қария баланд овозда бақириб, “Оҳ!” деди-ю, омонатни топширди”.
Аҳмад ибн Иброҳим Саълабийнинг
"Қуръон ошиқлари" китобидан олинди
[1] Имом Аҳмад раҳимаҳуллоҳ Қатода ҳақида “Қуръон тафсири ва уламоларнинг турфа хил қарашларининг билимдони эди” деганлар.
Бугун, 18 май куни “Ҳаж – 2026” мавсумининг сўнгги гуруҳ зиёратчилари Тошкент халқаро аэропортидан муқаддас сафарга кузатилди.
Кузатув маросимида давлат ва жамоат ташкилотлари масъул вакиллари, таниқли уламолар, соҳа мутасаддилари ва оммавий ахборот воситалари ходимлари иштирок этди.
Файзли тадбирда зиёратчиларга Ҳаж амалларини бекаму кўст адо этишлари, Ҳақ таолодан юртдошларимизнинг сафарларини бехатар, ибодатларини мақбул айлашини сўраб хайрли дуолар қилинди.
Муборак сафар олдидан мавсумнинг якуний гуруҳлари, хусусан, “Президент ҳожиси” мақомига сазовор бўлган 100 нафар юртдошимизнинг қувонч ва ҳаяжони қалбларни тўлқинлантирди. Уларни кузатаётган яқинлари эса ҳавас билан шундай саодатли кунлар ўзларига ҳам насиб этишини сўрашди.
Бўлғуси ҳожилар кўрсатилаётган бундай ғамхўрлик учун Давлат Раҳбари ҳамда ташкилотчиларга самимий миннатдорлик билдирди. Муқаддас заминда Ватанимиз тинчлиги, халқимиз фаровонлиги ва юртимиз равнақи учун дуода бўлишларини таъкидлашди.
Шундай қилиб, “Ҳаж – 2026” мавсумининг сўнгги гуруҳлари Тошкент халқаро аэропортидан Саудия Арабистонига кўтаринки кайфиятда жўнаб кетди.
Аллоҳ таоло муборак сафарга отланган барча юртдошларимизнинг ҳажларини мабрур айлаб, она-Ватанимизга соғ-саломат қайтишларини насиб этсин!
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 