21 Май, 2026, 3 Зулҳижжа, 1447
21 Май, 2026, 3 Зулҳижжа, 1447
Гар кўзингизга кўринса дунё тор,
“Шарҳ“ сурасини тафаккур айланг такрор.
Аллома Ибн Жавзий раҳимаҳуллоҳ айтадилар: “Бошимга ғам-ташвиш солган бир иш юз берди. Мен бу мусибатдан турли йўллар билан чиқиб кетишга уриндим, лекин ҳеч қандай чора топа олмадим. Шунда хаёлимга
﴿وَمَنْ يَتَّقِ اللَّهَ يَجْعَلْ لَهُ مَخْرَجًا﴾
“Кимки Аллоҳга тақво қилса, У унга (ташвишлардан) чиқиш йўлини (пайдо) қилур” (Талоқ сураси, 2-оят) ояти келди. Билдимки, тақво қилиш барча ғамдан чиқиш йўли экан. Аллоҳга ҳақиқий тақво қилишга ҳаракат қилишим билан бошимга тушган ишдан чиқиш йўлини топдим”.
Ақлли инсонлар тақвони барча яхшиликнинг сабаби деб билади. Инсонга бирор уқубат етган бўлса фақатгина гуноҳи сабаб етади, ундан қандай мусибат ариган бўлса тавбаси сабаб арийди. Сиз қандай бахтсизлик, хафалик ёки омадсизлик етган бўлса амалларингиз – намозни вақтида ўқимаслигингиз, бирор инсонни ғийбат қилишингиз, енгилтакликка йўл қўйишингиз ёки бирор ҳаром ишни қилишингиз сабабидан етади. Аллоҳнинг белгилаган йўлига қарши хилоф қилган ҳар қандай инсон қилган хатоси ёки бепарволигининг бадалини тўлаши лозим.
Шуъла: Ҳаётингиздаги ҳар қандай умидсиз вазиятларни хаёлингиздан узоқлаштиринг, уларни унутинг. Хаёлингизни муваффақият томон жамланг, шундагина қанотларингизни қоқиб парвоз этишингиз мумкин бўлади.
Доктор Оиз ал-Қарнийнинг
"Дунёдаги энг бахтли аёл" китобидан
Бугун, 20 май куни Жидда шаҳрида ташкил этилган 50-юбилей ҳаж анжуманида Ўзбекистон делегацияси иштирок этди. Нуфузли тадбирда вазирлар, муфтийлар, уламолар ва ҳаж хизматига алоқадор турли соҳалар етакчилари, экспертлар қатнашди.
Мамлакатимиз делегацияси таркибида “Ҳаж - 2026” мавсуми ишчи гуруҳи раҳбари – Дин ишлари бўйича қўмита раиси Содиқжон Тошбоев Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, “Ҳаж” ва “Умра” ишлари бўйича атташе Шуҳрат Амоний ва бир қатор соҳа мутасаддилари қатнашди.
Қуръони карим тиловати билан бошланган анжуманни Подшоҳлик Ҳаж ва умра ишлари вазири кириш сўзи билан очиб, мартабали меҳмонларни Маккаи мукаррамага ташрифлари ва нуфузли тадбирдаги иштироки билан қутлаб, ҳаж мавсумини юқори даражада ўтказиш юзасидан амалга оширилаётган янги лойиҳалар тўғрисида сўзлади. Жумладан, ҳаж хизматларини рақамлаштириш, сунъий интеллект технологиялари, тиббий хизматлар ва ҳожилар хавфсизлигига оид чора-тадбирларга урғу қаратди.
Халқаро анжуман доирасида ҳаж ибодатини енгиллаштириш, зиёратчиларга қулай шароит яратиш, жорий ҳаж мавсуми иссиқ кунларга тўғри келаётгани, ҳожилар саломатликларига эътибор қилишлари, Арафот ҳудудидаги Раҳмат тоғига чиқишдан сақланишлари, чодирлардан ибодат билан банд бўлиш, шунингдек, ҳаж хизматидаги ташкилотлар ўртасидаги ҳамкорликни мустаҳкамлаш каби муҳим мавзулар муҳокама қилинди.
Халқаро анжуманда Саудия Арабистонининг зиёратчиларга хизмат кўрсатиш соҳасида амалга ошираётган кенг кўламли ишлари ҳақида сўз юритилди. Мусулмонларга хизмат қилиш учун Икки Муқаддас Масжиддаги энг муҳим лойиҳа ва катта ўзгаришлар тақдимот қилинди. Шунингдек, ҳаж амалини адо этишда қонуний рухсатномаларга ва амалдаги қоидаларга риоя қилиш жуда муҳим экани алоҳида таъкидлаб ўтилди.
Анжуман доирасида давлатларнинг ҳаж ишларига мутасадди ташкилотлари раҳбарларининг ҳам йиғилиши бўлиб ўтди.
Маълумот ўрнида, ушбу симпозиум 1970 йилдан буён ҳар йили ўтказилади. Бу йилги анжуманда 80 дан ортиқ давлатдан юзлаб олим ва мутафаккирлар мавзу юзасидан муҳим масалаларни муҳокама қилдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 