11 Август, 2026, 28 Сафар, 1448
11 Август, 2026, 28 Сафар, 1448
Имом Мотуридий халқаро илмий-тадқиқот маркази аҳли сунна вал жамоа меросига хизмат қилиш, мотуридийлик илмий мактаби бой меросини асраш ва тарғиб этишда улкан ва эътирофга лойиқ ишларни амалга оширмоқда. Айниқса, Имом Абу Мансур Мотуридий ана шу муборак замин фарзанди экани бу марказ фаолиятига алоҳида маъно бахш этади.
Марказ мунтазам равишда ноёб асарларни нашр этиш, илмий тадқиқ қилиш ва уларни ўзбек тилига таржима қилиш борасида ҳам салмоқли ишларни амалга оширмоқда. Бу саъй-ҳаракатларнинг барчаси таҳсинга сазовор бўлиб, Аллоҳ таоло ҳузурида ҳам, иншааллоҳ, мақбул амаллар қаторидан бўлади.
Шайх Сайфул Асри
Булғор ислом академияси устози
Ўзбекистон мусулмонлари идораси тасарруфидаги олий ва ўрта махсус диний таълим муассасаларига 2026-2027 ўқув йили учун кириш тест синовларининг 5-ҳудуд (Бухоро вилояти) бўйича имтиҳон жараёнлари Мир Араб олий мадрасаси биносида бўлиб ўтди.
Мазкур ҳудуд бўйича диний таълим муассасаларига ҳужжат топширган 657 нафар абитуриент тест синовларида иштирок этди.
Имтиҳонларнинг шаффофлиги, адолатлилиги ҳамда тартиб-интизомини таъминлаш мақсадида жараёнларга Дин ишлари бўйича қўмита ва Ўзбекистон мусулмонлари идораси масъул раҳбарлари, диний таълим муассасалари мутасаддилари, педагог-ўқитувчилар ҳамда ички ишлар ва тиббиёт ходимлари жалб этилди.
Тест синовлари бошланишидан олдин абитуриентларга имтиҳон топшириш тартиби ва баҳолаш мезонлари батафсил тушунтирилди. Барча жараёнлар белгиланган талаб ва қоидаларга мувофиқ, юқори даражада ташкил этилди.
Ташкилотчилар тест жараёнларининг шаффоф ва тартибли ўтишига яқиндан кўмаклашган Бухоро шаҳар ички ишлар органи, соғлиқни сақлаш бошқармаси тиббиёт ходимлари ҳамда диний таълим муассасалари вакилларига ўз миннатдорлигини билдирдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 