21 Июл, 2026, 7 Сафар, 1448
21 Июл, 2026, 7 Сафар, 1448
Ўзбекистон мусулмонлари идораси жамоаси Наманган вилояти Уйчи туманидаги "Девонабобо" жоме масжиди имом-хатиби Абдуфаттоҳ домла Мусахановнинг волидаи меҳрибонларининг вафоти муносабати билан у кишининг оила аъзолари ва яқинларига чуқур таъзия изҳор этади.
Аллоҳ таоло марҳума онахонни Ўз мағфиратига олсин, иймонлари ва солиҳ амалларини ўзларига ҳамроҳ айласин. Охиратларини обод этиб, жойларини Фирдавс жаннатларидан қилсин!
Ҳақ таоло марҳума онахоннинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.
Ўзбекистон мусулмонлари идораси жамоаси, Уламолар кенгаши аъзолари, имом-домлалари ва ўқитувчи-мударрислари номидан марҳума онахоннинг яқинларига, хусусан, Абдуфаттоҳ домла Мусахановга ҳамдардлик билдиради.
Жаноза бугун, 14 июль куни шом намозидан сўнг Уйчи туманидаги "Машҳад мозор" жоме масжидида ўқилади.
Иннаа лиллааҳи ва иннаа илайҳи рожиъуун.
«Мусибат етганда “Албатта, биз Аллоҳникимиз ва албатта, биз Унга қайтувчимиз”, деган сабрлиларга хушхабар беринг».
Ўзбекистон мусулмонлари идораси
2026 йил 21 июль куни Қумқўрғон тумани “Беш қаҳрамон” маҳалласида имом-хатиблар, отинойилар ва маҳалла вакиллари иштирокида йилнинг биринчи ярим йилида амалга оширилган ишлар таҳлил қилинди.
Тадбирда туман бош имом-хатиби Ҳ.Зайниев ва Дин ишлари бўйича қўмитанинг туман бош мутахассиси Ш.Мамадиев ҳисобот берди. Қайд этилишича, 6 ой давомида 11 мингга яқин фуқароларни қамраб олган 1300 дан ортиқ маънавий-маърифий тадбир ва давра суҳбатлари ўтказилган.
Шунингдек, соҳа ходимларининг спорт ва интеллектуал соҳадаги фаоллиги ҳам эътироф этилди. Туманда илк бор имомларнинг спорт жамоалари ва “Заковат” клуби ташкил этилгани алоҳида таъкидланди.
Тадбир якунида фидойи ва ташаббускор соҳа ходимлари ҳамда маҳалла фаолларига туман ҳокимлигининг Ташаккурномалари топширилди.
Ўзбекистон мусулмонлари идораси
Сурхондарё вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 