11 Ноябр, 2026, 1 Жумадул сони, 1448
11 Ноябр, 2026, 1 Жумадул сони, 1448
Марказий банк ҳузурида Исломий молия кенгаши ташкил этилди. Бу ҳақда Спот регулятор матбуот хизматига таяниб хабар берди.
Қайд этилишича, кенгаш исломий банк фаолиятини амалга оширувчи банклар, исломий молиялаштириш хизматларини ко‘рсатувчи микромолия ташкилотлари, Омонатларни кафолатлаш агентлиги ҳамда Марказий банк назорати остидаги бошқа ташкилотларнинг исломий молия фаолиятини мувофиқлаштирувчи коллегиал орган ҳисобланади.
Кенгаш таркибига беш нафар мутахассис — ислом ҳуқуқи бо‘йича то‘рт нафар эксперт ва исломий молия соҳасидаги бир нафар техник эксперт киритилди.
О‘збекистон мусулмонлари идораси Фатво маркази бош мутахассиси Саиджамол Масайитов кенгаш раиси, марказ бош мутахассиси Муҳаммадаюбхон Ҳомидов эса раис о‘ринбосари этиб тайинланди. Шунингдек, Фатво маркази мутахассислари Ҳикматилла Тоштемиров ва Абдуллатиф Турсунов ҳамда Ориент Аудит Груп аудиторлик компаниясининг бошқарувчи ҳамкори Ахроржон Садуллаев кенгаш а‘золари бо‘лди.
Кенгаш а‘золарининг аксарияти ислом ҳуқуқи соҳасида ко‘п йиллик тажрибага эга бо‘либ, О‘збекистон мусулмонлари идораси Уламолар кенгаши таркибига киради ҳамда исломий молия ё‘налишида ААОИФИ халқаро сертификатларига эга.
Техник эксперт Ахроржон Садуллаев банк-молия соҳасида 20 йилдан ортиқ тажрибага эга. У аввал Марказий банк, Алоқабанк, КДБ Банк Узбекистан, шунингдек, КПМГ, Эрнст & Ёунг ва Грант Тҳорнтон халқаро аудиторлик компанияларида фаолият юритган.
Кенгаш исломий молия стандартлари лойиҳаларини халқаро стандартлар ва маҳаллий шароитни инобатга олган ҳолда ишлаб чиқади.
Шунингдек, Марказий банкка исломий молия фаолиятини тартибга солиш ва назорат қилиш масалалари юзасидан хулоса ва тавсиялар беради, норматив-ҳуқуқий ҳужжатлар лойиҳаларини тайёрлашда иштирок этади ҳамда соҳада юзага келадиган низолар бо‘йича тушунтиришлар беради.
Бундан ташқари, кенгаш банклар ва микромолия ташкилотларига исломий молия фаолияти юзасидан тавсиялар беради, улар билан даврий маслаҳат учрашувлари о‘тказади.
Зарурат туг‘илганда Исломий молия институтлари учун бухгалтерия ҳисоби ва аудит ташкилоти (ААОИФИ) йиг‘илишларида Марказий банк номидан қатнашади.
Марказий банк ма‘лумотига ко‘ра, кенгаш ҳар йили о‘з фаолияти бо‘йича ҳисоботни регулятор бошқарувига тақдим этади.
Спот, аввалроқ, О‘збекистонда исломий микромолия хизматлари ҳажми 22 млрд со‘мга етгани ҳақида ёзганди.
О‘збекистон мусулмонлари идораси Матбуот хизмати
“Malaysia International Halal Showcase” (MIHAS) халқаро ҳалол маҳсулотлар кўргазмаси доирасида Ўзбекистон миллий павильони ташкил этилди, деб хабар бермоқда “Дунё” АА.
Жорий йилги MIHAS кўргазмасида дунёнинг 80 га яқин давлатидан 1700 дан ортиқ ишлаб чиқарувчи, савдо ва сервис компаниялари ўз маҳсулот ҳамда хизматларини намойиш этмоқда. Улар томонидан 2400 дан зиёд кўргазма стендлари ўрнатилган бўлиб, тадбир 14 та соҳа йўналишини қамраб олган.
Кўргазмада Ўзбекистоннинг озиқ-овқат саноати ва экспортга йўналтирилган еттита корхонаси ўз маҳсулотлари билан иштирок этмоқда. Хусусан, мамлакатимизнинг ички бозорда ҳам, халқаро майдонда ҳам фаол ривожланиб бораётган “Ermak”, “Ermak Plus”, “Crafers”, “NMedov” ва “Delice” каби брендлари томонидан сертификатланган 100 дан ортиқ турдаги ҳалол озиқ-овқат маҳсулотлари, шунингдек, миллий амалий санъат намуналари тақдим этилди.
Етакчи ўзбек брендлари томонидан намойиш этилган сифатли қуритилган мевалар, мева пастилалари, сара қандолат маҳсулотлари кўргазмага ташриф буюрган маҳаллий ҳамда хорижий меҳмонларда катта қизиқиш уйғотди ва ижобий баҳоланди.
Тўрт кун давом этадиган мазкур тадбир ўзбек корхоналари учун муҳим аҳамият касб этади. Кўргазма маҳаллий компанияларга Малайзия ва бошқа хорижий давлатларнинг чакана савдо тармоқлари, улгуржи савдо компаниялари ва импортёрлари билан тўғридан-тўғри бизнес музокаралар олиб бориш имкониятини беради. Ўз навбатида, бу ўзбек маҳсулотларининг нафақат Малайзия бозорига, балки Жануби-Шарқий Осиё мамлакатлари бозорларига ҳам кенг йўл очишига хизмат қилади.
MIHAS (Malaysia International Halal Showcase) Малайзияда ўтказиладиган ҳалол маҳсулотларнинг энг йирик ҳар йилги халқаро кўргазмаларидан биридир. Кўргазма жаҳон ҳалол индустриясининг асосий иштирокчиларини бирлаштирувчи муҳим майдон ҳисобланади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа