12 Август, 2026, 29 Сафар, 1448
12 Август, 2026, 29 Сафар, 1448
Ўзбекистон Республикаси Давлат мустақиллигининг 35 йиллиги муносабати билан диний соҳа ходимлари ўртасида оммавий спорт мусобақаларининг туман ва шаҳар босқичларига старт берилди.
Мусобақалар Президентимиз томонидан илгари сурилган «Ягона Ватан, ягона халқ бўлиб, янги ҳаёт ва янги келажакни бирга қурамиз!» бош ғояси остида ташкил этилмоқда. Ушбу ташаббус соҳа ходимлари ўртасида соғлом турмуш тарзини тарғиб қилиш, жисмоний фаолликни ошириш ҳамда жамоавий ҳамжиҳатликни мустаҳкамлашга қаратилган.
Спорт тадбирлари дастуридан футбол, волейбол, стол тенниси, шахмат ва шашка каби спорт турлари ўрин олган.
Илк саралаш баҳслари 23 июль куни туман (шаҳар) босқичлари билан бошланди. Унда вилоятдаги масжидлар имом-хатиблари, ноиблар ва вакиллик ходимлари фаол иштирок этмоқда.
Ҳудудий босқичларда зафар қучган иштирокчилар ва жамоалар Мустақиллик байрами арафасида ўтказиладиган вилоят финал босқичида ғолиблик учун куч синашади.
Ўзбекистон мусулмонлари идораси
Матбуот хизмати
Ўзбекистон мусулмонлари идораси томонидан аҳоли билан йўлга қўйилган очиқ ва самимий мулоқот тизими фуқароларнинг мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
12 август куни Диний идора раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг арз, таклиф ва мурожаатларини тингладилар. Юзма-юз суҳбат жараёнида масжидлар ҳолати ва фаолияти, имом-хатиблар иши, Ҳаж ва Умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид кўплаб масалалар чуқур таҳлил қилиниб, уларнинг аксарияти жойида ижобий ҳал этилди.
Эслатиб ўтамиз, бу каби қабуллар ва фуқаролар билан мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни имом-хатиблар томонидан ўтказиб келинмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 