Бағдодда сайёр тадбир ўтказилди
Фарғона вилояти Бағдод туманида “Маҳалла ободлиги ва меҳр-саховат ойлиги” доирасида “Эзгулик ва маърифат тарғиботчилари” шиори остида сайёр маънавий-маърифий тадбир ташкил этилди.
Унда аҳолига Ўзбекистон мусулмонлари идораси Уламолар кенгаши мурожаати етказилиб, "Қирқволида" маҳалласи ва "Мирзаобод" қабристонида олиб борилаётган ободонлаштириш ишлари билан танишилди.
Шунингдек, юртдошларимиз ўртасида бағрикенглик, меҳр-оқибат ва эзгулик ғояларини тарғиб қилувчи самимий суҳбатлар ўтказилиб, тумандаги 16 та маҳаллада истиқомат қилувчи 55 та эҳтиёжманд оилага моддий хайрия ёрдамлари топширилди.
Ўзбекистон мусулмонлари идораси
Матбуот хизмати
Виртуал таҳдид: кибержиноятчилардан огоҳ бўлинг!
Бугун, 3 августь куни Ўзбекистон мусулмонлари идорасида “Кибержиноятчилик: замонавий жамиятнинг янги таҳдиди” мавзусида онлайн йиғилиш ўтказилди.
Унда Диний идора Ҳуқуқшунослик бўлими бошлиғи Жаҳонгир Ҳотамов сўзлаб, иштирокчилар эътиборини бугунги кунда долзарб муаммога айланиб бораётган кибержиноятлар кўламига қаратди.
Расмий маълумотларга кўра, ўтган йили Тошкентда кибержиноятлар сони 16 мингдан ортган. Фуқаролар қарийб 2 триллион сўм моддий зарар кўрган бўлса-да, уларни фош этиш 8 фоизга ҳам етмаган.
Ушбу жиноятларга кескин барҳам бериш ва олдини олиш учун 2026 йил 10 март куни “Ўзбекистон Республикасининг Киберхавфсизлик стратегиясини белгилаш ва кибержиноятчиликнинг олдини олиш тизимини такомиллаштириш тўғрисида” Президент Фармони қабул қилинди. Фармон асосида Ўзбекистон Республикасининг 2026 – 2030 йилларга мўлжалланган киберхавфсизлик стратегияси қабул қилинди.
Юқоридаги каби салбий холатларнинг олдини олишда аҳолининг ҳуқуқий саводхонлигини ошириш муҳим ҳисобланади. Шу мақсадда Диний идора бош юристи Алишер Агзамов Кибержиноятчиликнинг пайдо бўлиш тарихи, асосий турлари, кибержиноятга дуч келган киши нима қилиши кераклиги, киберхавфсизликнинг оддий қоидалари ҳақида тушунчалар бериб ўтди.
Ўзбекистон мусулмонлари идораси
Матбуот хизмати