Ҳазорасп туманида янгидан қуриб битказилган “Ҳазрати Шайх Мухаммад Амин” жоме масжидининг очилиш маросими ўтказилди. Унда Хоразм вилояти бош имом-хатиби Хайрулла домла Абдуллаев, Ҳазорасп тумани ҳокими Мақсудбек Абдуллаев, шаҳар-туман бош имом-хатиблари ва масжид имом-хатиблари, маҳалла аҳли жам бўлишди.
 

Қуръони карим тиловатидан сўнг масжиднинг то қиёматгача Ҳақ таолога ибодат қилинадиган саждагоҳ бўлишини, халқимиз эътиқоди, маърифатини мустаҳкамлашда ҳидоят ва зиё маскани бўлиб хизмат қилишини сўраб, бу хайрли ишга кўмакчи бўлган барча эзгу ниятли кишилар ҳақига дуолар қилинди.
 

Маълумот ўрнида замонавий талабларга жавоб берадиган, барча қулайликларга эга бўлган мазкур масжид 1600 нафар намозхонга мўлжалланган. 

 

Ўзбекистон мусулмонлари идораси

Хоразм вилояти вакиллиги

Матбуот хизмати