Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан "Қуръони карим ва тажвид" ўқув курслари фаолияти тизимли равишда такомиллаштирилмоқда.

Жумладан, шу йил 23 апрель куни "Қуръон ва тажвидни ўргатиш" бўлимида Республикадаги "Қуръони карим ва тажвид" ўқув курсларида фаолият олиб бораётган ўқитувчи ва масъул ходимлари учун ZOOM платформаси орқали суҳбат ташкил қилинди.

Суҳбат давомида Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов юртимизда олиб борилаётган диний соҳадаги ислоҳотлар, жумладан, Қуръон таълимига эътибор ҳақида алоҳида тўхталиб ўтди.

Бўлим мудири Устоз Шайх Алижон қори Файзуллоҳ Махдум Қуръони карим фазилатлари ҳақида маъруза қилиб, ўқитувчи ва масъул ходимларга Қуръон таълими хусусида керакли тавсияларни берди. 

alquranuz