“Ким бир яхшилик келтирса, унинг учун ўн баробари бор...”.

Изоҳ: Уламоларнинг айтишларича, яхшилик (ҳасанот) – ният ва ихлосга боғлиқ ҳолда кўпайиб кетиши мумкин. Ёмонлик эса – бир марта ёзилади, лекин агар банда тавба қилса, у гуноҳ ҳам кечирилиши мумкин.

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам бундай дедилар: “Ким бир яхшиликка шайланса-ю, уни қилмаса, унга битта яхшилик деб ёзилади. Ким бир яхшиликка шайланса-ю, уни қилса, унга ўн баробардан етти юз баробаргача деб ёзилади. Ким бир ёмонликка шайланса-ю, уни қилмаса, ёзилмайди. Агар уни қилса, ёзилади” (Имом Муслим ривояти).

Юқоридаги оятнинг тўлиғи: “Ким бир яхшилик келтирса, унинг учун ўн баробари бор. Ким бир ёмонлик келтирса, у фақат қилганига яраша жазоланур. Ва уларга зулм қилинмас” (Анъом сураси, 160-оят).