Oisha roziyallohu anho aytadilar: "Nabiy sollallohu alayhi vasallamning mehrlari ortib turganini ko‘rgan vaqtimda u zotga: "Yo Rasululloh, Allohga men uchun duo qiling!", dedim.

U zot alayhissalom: "Allohim, Oishaning oldingi va keyingi, oshkorayu maxfiy gunohlarini mag‘firat qilgin!" deb duo qildilar. 

Oisha roziyallohu anho juda xursand bo‘lib, kula boshladilar.

Rasululloh sollallohu alayhi vasallam: "Duoim seni quvontirib yubordimi?" dedilar.

Oisha roziyallohu anho: "Axir qanday qilib duoingiz quvontirmasin, albatta xursand bo‘ldim!" dedilar. 

 U zot alayhissalom: "Allohga qasamki, ushbu duoni ummatim uchun har namozimda so‘rayman", dedilar (Ibn Hibbon rivoyati).