Imom Abu Dovud Oysha onamiz raziyallohu anhodan rivoyat qiladilar: “Men Rasululloh sollallohu alayhi vasallamning Fotima bilan so'zlashda, husni xulqda, muomalada, siyratda va holatda bo'lganchalik kimsani ko'rmadim. Fotima raziyallohu anhu kirsalar, Rasululloh sollallohu alayhi va sallam unga peshvoz chiqib o'rnidan turardilar, uning qo'lini ushlab (qo'lidan yoki peshonasidan) o'pardilar va o'z oldilariga o'tqazardilar. Rasululloh sollallohu alayhi va sallam ham uning oldiga kirsalar, Fotima raziyallohu anhu o'rnidan turib kutib olardi, ul zotning qo'llarini o'pardi va (munosib) o'rinlariga o'tqazardi”. (Abu Dovud, 4/5219).

Ushbu hadisi sharifdan oladigan muhim xulosamiz shuki, ota-onalarimizga chiroyli va go'zal muomalada bo'lmoq; qizlarimizga o'ta shafqat bilan muomalada bo'lish; birov oldimizga kirib kelganda o'rnimizdan turib kutib olib, uni munosib o'ringa o'tqazmoq; agar munosib odam tashrif buyursa, ko'rishganda qo'lidan o'pish mumkin ekanligidir!

Yukoridagi xadisi sharif bu savolimizga javob bo'la oladi. Biroq bizning yurtlarda azaldan ota bobolarimiz va bugungi kun musulmonlari orasida kadrli odamlarni (ota-onani) qo'llaridan o'pib hurmat izhor qilishgan.

Vallohu a'lam!

 Abdulaziz Bobamirzayev