Sayt test holatida ishlamoqda!
13 Avgust, 2026   |   30 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
04:01
Quyosh
05:30
Peshin
12:28
Asr
17:22
Shom
19:29
Xufton
20:56
Bismillah
13 Avgust, 2026, 30 Safar, 1448
Avvalgi sayt
#search
 YouTube

Ulamolar tashrifi musulmonlarga ma'naviy tuhfa bo'lmoqda

14.07.2021   7301   3 min.
Ulamolar tashrifi musulmonlarga ma'naviy tuhfa bo'lmoqda

Ulamolarning Toshkent viloyatiga tashrifi mo'min-musulmonlarga ma'naviy tuhfa bo'lmoqda. Ayniqsa, peshin namozidan keyingi ma'ruzalar odamlar ma'naviyatini yuksaltirib, diniy saviyasini oshirmoqda.

Bugun O'zbekiston musulmonlari idorasi raisining o'rinbosari Ibrohimjon domla Inomov Chinoz tumanidagi “Saidrahmon to'ra”, O'MI raisi maslahatchisi Salohiddin domla Sharipov “Yangi Chinoz”, Toshkent shahar bosh imom-xatibi o'rinbosari Abduqahhor domla Yunusov Oqqo'rg'on tumanidagi “Erbo'ta qozi”, Toshkent shahridagi “Islomobod” masjidi imom-xatibi Abdulloh domla Yo'ldoshev Quyi Chirchiq tumanidagi “Yangi mahalla”, Toshkent shahridagi “To'xtaboyvachcha” masjidi imom-xatibi Zokirjon domla Shapifov “O'nqo'rgon” jome masjidga tashrif buyurib, ma'ruzalar qilib berishdi.

Dildan qilingan suhbatlar savol-javoblarga ulanib, namozxonlarda katta taassurot qoldirdi.

***

Masjid qurilishi ko'zdan kechirildi

Ulamolarimizning Toshkent viloyatiga tashrifi davom etmoqda. Jumladan, Toshkent viloyati bosh imom-xatibi Jasurbek domla Raupov va O'zbekistondagi islom tsivilizatsiyasi marzkazi mas'ul xodimi Abror Muxtor Ali Chinoz tumani “Qozi” mahallada bunyod etilayotgan yangi masjid qurilish jarayonini ko'zdan kechirishib, usta-quruvchilarga zarur maslahat va tavsiyalar berdilar.

Yangi jome ishga tushishi bilan o'z bag'riga 4 ming namozxonni sig'diradi. Tashrif so'ngida ushbu masjid tez orada foydalanishga topshirilishini so'rab, xayrli duolar qilindi.

 

 

Toshkent viloyat vakilligi matbuot xizmati

Fotolavhalar
Boshqa maqolalar
Yangiliklar

Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

11.08.2026   24575   2 min.
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.

Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:

  • mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
  • faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
  • bankni faqat islomiy bank faoliyatini amalga oshiruvchi bankka o‘zgartirish.

Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.

Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.

Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.

O‘zbekiston musulmonlari idorasi Matbuot xizmati

O'zbekiston yangiliklari
#logo