Shu yil 10 fevral' kuni Namangan shahridagi “Shodiyona” tantanalar majmuasida viloyatdagi diniy soha xodimlari hamda “Hidoya” o'rta maxsus islom bilim yurtining ustoz va talabalari ishtirokida O'zbekiston musulmonlari idorasi Namangan viloyat vakilligining 2023 yil yakuni bo'yicha sarhisob tadbiri bo'lib o'tdi.

Tadbirda vakillikning salmoqli natijalarga erishishida munosib hissa qo'shgan, hamkasblari orasida faollik ko'rsatib, ularga namuna bo'lgan 15 nafar diniy soha xodimlari viloyat vakilligining qimmatbaho sovg'alari bilan taqdirlandi.

Shuningdek, tadbirda “Hidoya” o'rta maxsus islom bilim yurtining bu yilgi bitiruvchi talabalari ham vakillikning sovg'alariga ega bo'ldilar. Talabalarga kelgusi faoliyatlarida omad va zafarlar tilab, duoi xayrlar qilindi.

O'zbekiston musulmonlari idorasi
Namangan viloyati vakilligi
Matbuot xizmati